အောက်တိုဘာ-၁၊၂၀၂၆။ဆဏ်း/People’s Spring
တော်လှန် CDM သဘင်ပညာရှင်တွေစုပေါင်းတင်ဆက်ခဲ့တဲ့ နှစ်ပါးသဘင်ပြည်တော်ဝင် ဖျော်ဖြေပွဲက ရရှိခဲ့တဲ့ ဘတ် တစ်သန်းကျော် (မြန်မာငွေသိန်း ၁၃၀၀ကျော်) ကို လက်ခံရရှိကြောင်း P25103-Yangon Battalion က အသိပေးထားပါတယ်။
ပါဝင်ကူညီပေးခဲ့ကြသော အလှူရှင်များအားလုံးနှင့် နှစ်ပါးသဘင်ပြည်တော်ဝင် အဖွဲ့သူ အဖွဲ့သားများအား လုံးကို အထူးပင်ကျေးဇူးတင်ရှိပါကြောင်းလည်း မှတ်တမ်းတင် ထုတ်ပြန်ထားပါတယ်။
နှစ်ပါးသဘင်ပြည်တော်ဝင်ဖျော်ဖြေပွဲကို ပြီးခဲ့တဲ့ ဇွန်လ ၁၉ ရက် မှာကျရောက်တဲ့ လူထုခေါင်းဆောင် ဒေါ်အောင်ဆန်းစုကြည်ရဲ့ မွေးနေ့မှာ အွန်လိုင်းကနေ ထုတ်လွှင့်ပြသခဲ့တာဖြစ်ပါတယ်။
Public Service Announcement
ဒီပွဲ ပြုလုပ်တဲ့ အချိန်ကတည်းက လက်မှတ်ရောင်းရငွေအားလုံးကို ရန်ကုန်တိုင်း စစ်ဒေသ-၂ ၊တပ်ရင်း(၅၁၀၃) အတွက် စစ်ရေးဖော်ဆောင်ရာမှာ အသုံးပြုဖို့ ထောက်ပံ့သွားမယ်လို့ အသိပေးခဲ့တာပါ။
“အခက်အခဲများကြားမှ မျှဝေပေးခဲ့ကြသည့် စေတနာနှင့် အားပေးကူညီမှုတိုင်းကို တန်ဖိုးထားလေးစားစွာ မှတ်တမ်းတင်ထားရှိပါမည်။ပါဝင်ကူညီပေးခဲ့ကြသူ တစ်ဦးချင်းစီအားလုံးကိုယ်စိတ်နှစ်ဖြာ ကျန်းမာချမ်းသာကြပါစေကြောင်းဆုမွန်ကောင်းတောင်းအပ်ပါသည်။ “လို့ P25103-Yangon Battalion က ကျေးဇူးတင်စကားရေးသားထားပါတယ်။
ဒီပွဲမှာ တော်လှန် CDM သဘင်ပညာရှင်တွေဖြစ်တဲ့ ရန်ငြိမ်းသူ ၊ အောင်မြင်ဗိုလ် ၊ သားအောင်ဆက် ၊ ဝါဝါလှိုင် တို့နဲ့ အတူ အခြားသဘင်ပညာရှင်တွေ ပူးပေါင်းတင်ဆက်ပေးထားတာပါ။ လူရွှင်တော်အဖွဲ့အနေနဲ့ နွေဦးကာရံ ဒေါင်းတို့ အားမာန် အဖွဲ့ က ပါဝင်တင်ဆက်ထားပြီး ဒီပွဲအတွက် ဂီတပိုင်းကိုတော့ သောင်ရင်းသုခမ အဖွဲ့က ပါဝင်အားဖြည့်ထားတာဖြစ်ပါတယ်။
တော်လှန်သဘင်အနုပညာရှင်တွေက ဧပြီလကလည်းအောင်ဆန်းမျိုးဆက် ရဲဘော်တွေ ကို ပံ့ပိုးပေးဖို့ မြန်မာဇာတ်ပွဲကြည့်ရအောင် ဖျော်ဖြေပွဲ ပြုလုပ်ခဲ့ပါတယ်။
