'/%3E%3C/svg%3E){kind=small}
အောက်တိုဘာ ၂၅၊ ၂၀၂၆။ ထားမြတ်/People’s Spring
ကချင်ပြည်နယ်၊ မိုးမောက်မြို့နယ် မြို့သစ်ဒေသက တာပိန်မြစ်ကူးတံတားကို အာဏာသိမ်းစစ်တပ်က ၂ရက်ဆက် လေယာဉ်နဲ့ဗုံးကြဲဖျက်ဆီးခဲ့ရာ လူသေဆုံးထိခိုက်မှု အချို့ရှိခဲ့ကြောင်း KIO/KIA သတင်းပြန်ကြားရေးဌာနက ဖော်ပြပါတယ်။
၂၀၂၄ ကတည်းက KIA ထိန်းချုပ်ထားတဲ့ အဲဒီဒေသက တံတားကို အောက်တိုဘာ ၂၃ရက်နဲ့ ၂၄ရက်နေ့တွေမှာ စစ်တပ်က တိုက်လေယာဉ်နဲ့ ဗုံးကြဲခဲ့တာလို့ ဆိုပါတယ်။
အောက်တိုဘာ ၂၄ရက် လေကြောင်းတိုက်ခိုက်မှုမှာ ပြည်သူ ၂ဦး၊ KIO/KIA ဝန်ထမ်း ၁ဦး သေဆုံးကာ ပြည်သူ ၁ဦး ဒဏ်ရာရခဲ့ကြောင်း အသိပေးပါတယ်။ အောက်တိုဘာ ၂၃ရက် တံတား တိုက်ခိုက်ခံရမှုမှာလည်း တံတား ထိခိုက်ပျက်စီးမှုအချို့ရှိခဲ့ပါတယ်။
Public Service Announcement
မြစ်ကြီးနား-ဗန်းမော်လမ်းမပေါ်ရှိတဲ့ အဲဒီ တာပိန်မြစ်ကူးတံတားကို စစ်တပ်က လေကြောင်း တိုက်ခိုက်ဖျက်ဆီးတာဟာ စစ်တပ်က ဗန်းမော်မြို့ကို ထိန်းချုပ်လိုတာ၊ KIO/KIA ပူးပေါင်းတပ်တွေရဲ့ ထောက်ပို့လမ်းကြောင်းကို ဖြတ်တောက်လိုတာကြောင့်လို့ KIA သတင်းပြန်ကြားရေးဌာန တာဝန်ခံ ဗိုလ်မှူးကြီးနော်ဘူက အောက်တိုဘာ ၂၃ရက်မှာ ပြောထားပါတယ်။
စက်တင်ဘာလမှာ စစ်တပ်က ဗန်းမော်မြို့ကို စစ်အင်အားအများအပြားဖြည့်တင်းပြီးနောက် မြေပြင်တိုက်ပွဲတွေလည်း နေ့တိုင်းလိုလို ဖြစ်ပွားလျက်ရှိပါတယ်။
” သူတို ထိုးစစ်ဆင်တဲ့နေရာကတော့ ခလရ(၄၇)ရဲ့ အောက်ပိုင်းမှာ မံစီဘက်ကို မျက်နှာမူတဲ့နေရာဘက်မှာ သူတို ထိုးစစ်ဆင်တာတွေ့ရပါတယ်။…။ဗန်းမော်မှာကတော့ မံစီဘက်ကို မျက်နှာမူတဲ့နေရာမှာ ဒရုန်းတို လက်နက်ကြီးတို နဲ့တော့ နေ့တိုင်းလိုရှိပါတယ်။ လေကြောင်းနဲ့ တိုက်တာလည်းရှိပါတယ်။ သူတိုက မြေပြင်ကနေ လည်း လိုက်ပြီးမှ ထိုးစစ် ဆင်နေတဲ့ ဖြစ်စဉ်တွေရှိပါတယ်” လို့ ဗိုလ်မှူးကြီးနော်ဘူက ပြောပြပါတယ်။
KIAနဲ့ စစ်တပ်လက်အောက်ခံ SNAတပ်တို့ဟာလည်း ကချင်-စစ်ကိုင်းအစပ် ဟုမ္မလင်းမြို့နယ်မှာ တိုက်ပွဲတွေ ရှိခဲ့ပြီးအောက်တိုဘာ ၁၉ရက်နဲ့ ၂၂ရက်နေ့ တိုက်ပွဲတွေမှာ SNA တပ်စခန်း ၂ခု သိမ်းပိုက်ရရှိခဲ့ ကြောင်း KIA သတင်းပြန်ကြားရေးဌာနက အသိပေးထားပါတယ်။
