ယင်းမာပင်မြို့နယ်မှာ စူပါအယ်လ်နီညိုအန္တရာယ် အသိပညာပေးဟောပြော

နိုဝင်ဘာ-၄၊၂၀၂၆။သုည/People’s Spring

စစ်ကိုင်းတိုင်း၊ယင်းမာပင်မြို့နယ်မှာရှိတဲ့ ပြည်သူ့အခြေပြုကျောင်းတစ်ကျောင်းမှာစူပါအယ်လ်နီညိုအန္တရာယ်နဲ့ပတ်သက်တဲ့ အသိပညာပေးဟောပြောပွဲကို ဒီကနေ့ (နိုဝင်ဘာ ၄) မှာ ပြုလုပ်ခဲ့ပါတယ်။

ယင်းလှုပ်ရှားမှုကို ယင်းမာပင်-ဆားလင်းကြီး ရွာပေါင်းစုံသပိတ် ဦးဆောင်ကော်မတီက ဦးဆောင်ပြုလုပ်ခဲ့တာဖြစ်ပြီး ဦးဆောင်သူတွေက ဒေသခံပြည်သူတွေကို စူပါအယ်လ်နီညိုအန္တရာယ် ကြိုတင် ကာကွယ်နိုင်ရေးအတွက် အသိပညာတွေကို မျှဝေဟောပြောခဲ့ကြတာပါ။

စူပါအယ်နီညိုကြောင့် မိုးခေါင်ရေရှားခြင်း၊ အပူချိန် အဆမတန် မြင့်တက်လာခြင်းနဲ့ သောက်သုံးရေ ပြတ်လပ်မှုစတဲ့ သဘာဝဘေးအန္တရာယ် ပြဿနာများကို ရင်ဆိုင်ရဖွယ်ရှိနေတဲ့အတွက် ကြိုတင်ပြင်ဆင်မှုတွေ လုပ်ဆောင်ရန်လည်း သပိတ်ဦးဆောင်သူတွေက သတိပေးနှိုးဆော်ခဲ့ပါတယ်။

Public Service Announcement

ရာသီဥတုဖောက်ပြန်မှုဒဏ်ခံနိုင်ရည်ရှိစေရေး ၊ သောက်သုံးရေ ခြိုးခြံချွေတာသိုလှောင်ရေးနဲ့ အပူဒဏ်ကြောင့် ဖြစ်ပွားတတ်တဲ့ ကျန်းမာရေးပြဿနာ ကာကွယ်ရေးဆိုင်ရာ အချက်အလက်တွေ ပါဝင်တဲ့ လက်ကမ်းစာစောင်တွေကိုလည်း ဒေသခံတွေထံ ဖြန့်ဝေပေးခဲ့ပါတယ်။

ဓာတ်ပုံ – ရွာပေါင်းစုံသပိတ်ဦးဆောင်ကော်မတီ