'/%3E%3C/svg%3E){kind=small}
နိုဝင်ဘာ-၈၊၂၀၂၆။ကတ်သရင်း/People’s Spring
မန္တလေးတိုင်း၊ မတ္တရာမြို့နယ်၊ ငယ်တိုးကျေးရွာမှာ စစ်တပ်က လက်နက်ကြီးနဲ့ ပစ်ခတ်တာကြောင့် ရေလည်ကျွန်းရွာအနီးကျကာ အမျိုးသား ၁ဦး ထိမှန် သေဆုံးခဲ့တယ်လို့ ဒေသခံတွေက ပြောပါတယ်။
နိုဝင်ဘာ ၈ ရက် ဒီကနေ့မနက် ၁၁နာရီဝန်းကျင်က ငယ်တိုးကျေးရွာမှာ တပ်စွဲထားတဲ့ စစ်တပ်က အနောက်ဘက် ကျွန်းပေါ်ကျေးရွာတွေကို လက်နက်ကြီး တွေနဲ့ပစ်ခတ်ခဲ့တာလို့ သိရပါတယ်။
လက်နက်ကြီးတွေဟာ ကျေးရွာတွေ အတွင်းကျရောက်ပြီး ရေလည်ကျွန်းရွာအနီးက ပျဉ်ကာရွာအတွင်းကျကာ အသက်၆၀ ကျော်အရွယ် အမျိုးသား ၁ဦး ထိမှန် သေဆုံးခဲ့တယ်လို့ သိရပါတယ်။
Public Service Announcement
“ရေလည်ကျွန်း ဘေးကရွာ သေးသေးလေးတွေရှိတာ။အဲဒီရွာထဲကိုကျတာ။ ပစ်တာက ၄လုံးပစ်တာပါ။ဒေသခံ တွေသေတာပါ”လို့ ဒေသခံတစ်ဦးက ပြောပါတယ်။
စစ်တပ်ဟာ မတ္တရာမြို့နယ်အနောက်ခြမ်းက ငယ်တိုးနဲ့သဖန်းထောင့်ကျေးရွာမှာ အဓိက အထိုင်ချထားပြီး စစ်ကိုင်းမြို့နယ်နဲ့ မတ္တရာမြို့နယ်က ရေလည်ကျွန်းတွေကို ဆက်တိုက်လက်နက်ကြီးပစ်တာ၊ဒရုန်းဗုံးချတာ တွေပြုလုပ်နေတယ်လို့ ဒေသခံတွေက ပြောပါတယ်။
ပြီးခဲ့တဲ့ အောက်တိုဘာအတွင်းမှာလည်း မတ္တရာမြို့နယ်အနောက်ခြမ်းမှာ စစ်တပ်ရဲ့ လေကြောင်းတိုက်ခိုက်မှုကြောင့်အမျိုးသမီး၂ဦးသေဆုံးကာ ပြည်သူ၅ဦး ဒဏ်ရာရခဲ့ပါတယ်။
