စစ်​ကောင်စီတပ်ကို CDF မတူပီက နှစ်​နေရာတွင်တိုက်ခိုက်၊ စစ်​ကောင်စီတပ် ၅ဦး​သေ၊ ၂ ဦးအရှင်ဖမ်းမိ၊ ၁၀ဦးဒဏ်ရာရ

ချင်းပြည်နယ်၊ မတူပီတွင် အကြမ်းဖက်စစ်ကောင်စီတပ်ကို ယနေ့ တစ်ရက်တည်း၌ နှစ်နေရာ ဝင်တိုက်ရာတွင် စစ်သား ၅ ဦးသေ၊ ၁၀ ဦး ဒဏ်ရာရပြီး ၂ ဦးအရှင်ဖမ်းမိထားသည်ဟု ချင်းပြည်ကာကွယ်ရေးတပ်ဖွဲ့ -CDF(မတူပီ)က သတင်း ထုတ်ပြန်သည်။

ထိုတိုက်ပွဲများသည် ယ​နေ့ (ဇန်နဝါရီ ၃ ရက်)တွင် မတူပီ-ပလက်ဝလမ်းနှင့် မတူပီ-ဟားခါးလမ်းပေါ်တို့၌ ဖြစ်ပွားခဲ့ခြင်းဖြစ်သည်။

မတူပီ – ပလက်၀ လမ်းမပေါ်ရှိ စစ်ကောင်စီတပ်စွဲထားသောထယ်ဘွေး တပ်စခန်းကို ယနေ့နံနက်၇ နာရီမှ စတင်၍ ​နေ့ခင်းပိုင်းအထိ့ နာရီ​ပေါင်းများစွာ တိုက်ခိုက်ခဲ့ပြီး အကြမ်းဖက်စစ်သား ၅ဦးသေဆုံးကာ ၁၀ဦးခန့်ဒဏ်ရာရရှိခဲ့သည်ဟု CDF(မတူပီ)က ထုတ်ပြန်သည်။ ထိုတိုက်ပွဲတွင် CDFဖက် အထိအခိုက်အကျအဆုံးမရှိခဲ့ဟုလည်း​ဖော်ပြထားသည်။

ထိုအတူ မတူပီ-ဟားခါးလမ်းပေါ်ရှိ ဖနိုင်ရွာနှင့် ငလိုင်ရွာကြားတွင် အင်အားအလုံးအရင်းဖြင့် စစ်ကြောင်းချီလာသည့် အကြမ်းဖက်စစ်ကောင်စီ စစ်ကြောင်းကို ညနေ ၅နာရီခွဲခန့် CDF(မတူပီ)က တိုက်ခိုက်ခဲ့ရာ အကြမ်းဖက်စစ်ကောင်စီတပ်သား ၂ ဦးကို ဖမ်းဆီးရမိသည်ဟုထုတ်ပြန်ချက်တွင်ပါရှိသည်။

Public Service Announcement

ထယ်ဘွေးတပ်စခန်းသည် မတူပီ – ပလက်၀ နယ်စပ်တွင်ရှိပြီး စစ်ကောင်စီတပ်မှ အင်အား ၄၀ ခန့်ရှိနိုင်ကြောင်း မတူပီ CDFက ခန့်မှန်းသည်။ယင်းတပ်စခန်းသည် စစ်အာဏာရှင်၏ တပ်စခန်းဖြစ်၍ ပြည်သူလူထု လုံခြုံရေးအပိုင်း နှင့် CDF တပ်များ နယ်မြေစိုးမိုးနိုင်ရေးအတွက် ဝင်ရောက်တိုက်ခိုက်ခြင်းဖြစ်သည်ဟု မတူပီ CDF ပြောရေးဆိုခွင့်ရှိသူက People’s Spring သို့ ပြောသည်။