ပဲခူးမြို့ရှောင်လမ်းတွင် စစ်ကောင်စီတပ်မှ ကားသုံးစီးကို မိုင်းခွဲတိုက်ခိုက်ခဲ့ကြောင်း People Defence Force – Bagoက ယနေ့ (ဇန်နဝါရီ ၈)ထုတ်ပြန်သည်။
အဆိုပါတိုက်ခိုက်မှုကို ပဲခူးမြို့ရှောင်လမ်း နဂဝံနှင့် ပြင်စည်ကြားတွင် ဇန်နဝါရီ ၆ရက်က တိုက်ခိုက်ခဲ့ခြင်းဖြစ်ပြီး စစ်ကောင်စီဘက်မှ ထိခိုက်မှုရှိကြောင်း ထုတ်ပြန်ချက်တွင် ဖော်ပြသည်။
“ဟုတ်ကဲ့ ကျွန်တော်တို့ အထိအခိုက်သိရတာနဲ့ ပြောပေးပါမယ်ခင်ဗျ။ လောလောဆယ်တော့ အထိအခိုက်အခြေ အနေ မသိရသေးပါဘူး”ဟု PDF(Bago)မှ တာဝန်ရှိသူတစ်ဦးက ပြောသည်။
၎င်းတို့အဖွဲ့နေဖြင့် အကြမ်းဖက်စစ်ကောင်စီတပ်ကို ခုခံတော်လှန်ရင်း ပြီးခဲ့သည့် ဒီဇင်ဘာအတွင်းက ပဲခူး (ပကဖ)နှင့် မဟာမိတ်အင်အားစုများ၏ ရဲဘော် ၁၈ဦး အဖမ်းခံခဲ့ရကြောင်း အထက်ပါတာဝန်ရှိသူက အတည်ပြုသည်။
Public Service Announcement
ထို့ကြောင့် ပဲခူးမြို့နယ်အတွင်း အကြမ်းဖက်စစ်ကောင်စီအား ခုခံတိုက်ခိုက်မည့် တော်လှန်ရေး Mission များကို အင်အားများထပ်မံစုစည်းကာ အရေးတော်ပုံကြီး အောင်မြင်သည်အထိ ဆက်လက်တိုက်ပွဲဝင်သွားမည်ဟု PDF(Bago)က အသိပေးထားသည်။
