အကြမ်းဖက်စစ်ကောင်စီအား တော်လှန်တိုက်ခိုက်ရင်း ကျဆုံးသွားခဲ့သည့် ဒီးမော့ဆို PDF တပ်ဖွဲ့ဝင်နှစ်ဦးအတွက် ထောက်ပံ့ငွေ သိန်း ၂၀ကျပ်ကို အမျိုးသားညီညွတ်ရေးအစိုးရ(NUG)က ပေးအပ်ခဲ့သည်။
ဒီးမော့ဆိုတွင် မကြာသေးမီက ဖြစ်ပွားခဲ့သည့် စစ်ကောင်စီနှင့် တိုက်ပွဲတွင် ကျဆုံးသွားခဲ့သည့် ပြည်သူ့ကာကွယ်ရေးတပ်-ဒီးမော့ဆို(DMO-PDF)တပ်ရင်း(B)မှ ရဲဘော် မောင်အန်ဘရောရှို နှင့် ရဲဘော် ဦးအာလေးရှိုအတွက် ထောက်ပံ့ငွေကို NUGက ပေးအပ်ခဲ့ခြင်းဟု DMO-PDFက သတင်းထုတ်ပြန်ထားသည်။
“တိုင်းပြည်အတွက် အသက်ပေးကာကွယ်သွားခဲ့သော ရဲဘော်၏ ကျန်ရစ်သူမိသားစုအတွက် အမျိုးသားညီညွတ်ရေးအစိုးရ(NUG)ထံမှ ထောက်ပံ့ငွေသိန်း(၂၀)ကျပ်တိတိကို မိမိတို့ပြည်သူ့ကာကွယ်ရေးတပ်-ဒီးမော့ဆို(DMO-PDF)တပ်ဖွဲ့မှ လက်ခံရရှိခဲ့ပါသည်”ဟုထုတ်ပြန်ထားပြီတစ်ဆက်တည်း တွင် ကာယကံရှင်နှစ်ဦး၏ မိသားစုဝင်များထံသို့ ဇန်နဝါရီ ၁၅ရက်တွင်ထောက်ပံ့ငွေပေးအပ်ခဲ့သည်ဟု ဖော်ပြထားသည်။
NUG အတွက် ရန်ပုံငွေများနှင့်တော်လှန်ရေးအတွက်ကူငွေများကို ပြည်တွင်နှင့်နိုင်ငံတကာရောက်နေသော မြန်မာပြည်သူများက ဝိုင်းဝန်းကူညီထောက်ပံ့ထားကြခြင်းဖြစ်သည်။
Public Service Announcement
ကရင်နီပြည်နယ်သည် အကြမ်းဖက်စစ်အာဏာရှင်ဆန့်ကျင်ရေးလက်နက်ကိုင်တော်လှန်ရေးတွင်ရှေ့တန်းမှပါဝင်နေပြီး စစ်ကောင်စီတပ်ကိုအထိနာစေသည့် ပြည်နယ်တစ်ခုဖြစ်သည်။ စစ်ကောင်စီတပ်ကအထိ့နာသဖြင့် လေကြောင်းအသုံးပြုတိုက်ခိုက်နေသလို အရပ်သားများအားရက်ရက်စက်စက် အကြမ်းဖက်သတ်ဖြတ်မှုများကျူးလွန်ထားသည်။ စစ်ကောင်စီက လူမဆန်သော အကြမ်းဖက်တိုက်ခိုက်မှုများ ပြုလုပ်နေသော်လည်း တော်လှန်ရေးအောင်မြင်သည်အထိ တိုက်ခိုက်တုန့်ပြန်သွားမည်ဟု ကရင်နီပြည်နယ်အခြေစိုက် ပြည်သူ့ကာကွယ်ရေးအဖွဲ့များကကြေညာထားသည်။
