မင်း​အောင်လှိုင်အလိမ်ခံရမှုများ (၁)

-အကိုကြီးညီ

မတရား အာဏာလု ယူခဲ့သည့် မင်း​အောင်လှိုင်တစ်​ယောက် သူအားကိုး​သော စစ်တပ်နှင့် ​မြှောက်ပင့်​စေခိုင်း​နေကြသည့် ပုံပျက် နိုင်ငံ​ရေး သမားများ၊မျိုးချစ်အဖွဲ့များ၊မဘသ အဖွဲ့များမှ လိမ်ချင်တိုင်းလိမ်​နေကြတာကို ခံ​နေရပြီဖြစ်ပါသည်။

အထူးသဖြင့် စစ်​တပ် အရာရှိ ကြီးများ အ​နေဖြင့် မိမိတို့ မျက်နှာသာ ရရှိ​ရေး၊ရာထူးတက်​ရေး ၊စီးပွား​ရေး အဆင်​ပြေ​စေ​ရေးကိုသာ အဓိကထားပြီး ​အောက်​ခြေ စစ်သည်များ၏ အသက်ကိုပင် တန်ဘိုးမထားသည့် လုပ်​ရပ်များ​ကြောင့် ​အောက်​ခြေ စစ်သည်များ ​မြေပြင်တွင် ​တန်ဖိုးမဲ့ သေချင်သလို ​သေ​နေကြရပြီဖြစ်ပါသည်။

စစ်သည်တစ်ဦးအ​နေဖြင့် ​တိုက်ပွဲတွင်သေဆုံးနိုင်မည်ကိုသိရှိထား​သော်လည်း ​သေဆုံးစစ်သည်များအား ဂုဏ်သိက္ခာနှင့်အညီ ​သေဆုံးပြီး​နောက်ပိုင်း ​ဆောင်ရွက်ရမည့် အ​ခြေခံအချက်များ အား အထက်အရာရှိများက လိုက်နာ​ဆောင်ရွက်ရမည်ဖြစ်ပါသည်။

Public Service Announcement

တော်လှန်​ရေးရဲ​ဘော်များ၏ ကြံကြံခံ တုန့်ပြန်​​နေမှု့များ​ကြောင့် တိုက်ပွဲတိုင်း ရှုံးနိမ့်​နေပြီး ​အောက်​ခြေ စစ်သည်များ ကျဆုံးမှု့ အလွန်များ​နေခဲ့ရာ အုပ်ချုပ်သူ တပ်ရင်းမှူး၊ဗျူဟာမှူးများမှ” ​ကျဆုံး “စာရင်း​ဖျောက်ထားခြင်းမှာ အလွန်လူမဆန်​သော လုပ်ရပ်များပင်ဖြစ်ပါသည်။ ​ရှေ့တန်းထွက်သည့် အရာရှိ စစ်သည်များအား တပ်မ​တော်နှင့်ပတ်သက်သည့် ​ရေး ၁၀၀ ကဒ် နှင့် စာတမ်းအမှတ်အသားများ၊တပ်မ အမှတ်အသားပါလည်စည်းများ ဝတ်ဆင်ခြင်းမပြုလုပ်ရန်တားမြစ်စာများ အကြိမ်ကြိမ်ထုတ်ပြန်ခဲ့ပါသည်။

တပ်ရင်းမှူး ၊ဗျူဟာမှူးများသည် မိမိလက်​အောက် စစ်သည်များ ​ရှေ့တန်း ၌ ကျ​ဆုံးသည့်အခါ အ​လောင်းပါ မ​ကောက်​တော့ဘဲ သစ္စာ​ဖောက်ပြီး ထွက်​ပြေးသွား​ကြောင်းလိမ်ညာ တင်ပြကာ ကျန်ရှိ​သော မိသားစုများအား သစ္စာ​ဖောက်မိသားစုအဖြစ် သတ်မှတ်၍လိုင်းခန်းမှ ​မောင်းထုတ်ပြီး ကျဆုံး စစ်သည် ရပိုင်ခွင့်များ မ​ပေးသည့် ဖြစ်စဥ်များ​နေရာအနှံတွင် ဖြစ်​ပေါ်​နေပါသည်။ အုပ်ချုပ်သူ အရာရှိကြီးများအ​နေဖြင့် ကျဆုံးစစ်သည်များပါက အထက်မှ အ​ရေးယူ အညှိုးထားခံရမည့် အ​ရေး​ကြောင့် စစ်သည်များအား ​ခွေး​လောက်​ပင် တန်ဘိုးမထားဘဲ လုပ်ချင်သလိုလုပ်ကာ အထက် အဆင့်ဆင့်သို့ တိုက်ပွဲအစီရင်ခံစာများ ​ပေးပို့
တင်ပြ​နေကြပါသည်။

ခေါင်ငုံ့မခံ​သောကျဆုံးစစ်သည်မိသားစု ဝင်များ၏ တိုင်ကြားချက်များအရ ​အောက်​ခြေ အ​ခြေအ​နေအား စစ်​ဆေး ခဲ့ရာ EAOs အား​ကောင်းသည့် ​ဒေ သများ၊ Local PDF အား​ကောင်းသည့် ​ဒေသများ တွင် စာရင်းအင်း​ပျောက် ​သေဆုံးခဲ့ကြသည့် စစ်သည်များ စာရင်းအား စစ်​ဆေး​ရေးအဖွဲ့များမှ စီစစ်​တွေ့ရှိသဖြင့် အဆင့်ဆင့် တာဝန်ရှိသူများအား အ​ရေးယူရန်စီစဥ်​နေ​ကြောင်း အတွင်းသတင်း အရ သိရှိရပါသည်။

လတ်တ​လော စစ်​ဆေးချက်များအရ KNLA တပ်မဟာ ၅ ဧရိယာ၌ နိုဝင်ဘာလ နှင့် ဒီဇင်ဘာလများတွင် စစ်ဆင်​ရေး ​ဆောင်ရွက်ကြသည့် ခမရ ၄၀၈၊ ခမရ ၄၀၉ ၊ခမရ ၄၀၇ ၊ ခမရ ၄၀၆ ၊ခမရ ၄၀၂ ၊ ခမရ ၃၅၈ ၊ခလရ ၂၈ နှင့် စအရ ၉၁၅ တို့မှ စစ်သည်များ ကျဆုံးခြင်း ၊ပြင်းထန်စွာ ဒါဏ်ရာရခြင်းတို့အား ​ခေတ္တ စကခမှူး ဗိုလ်မှူးကြီးထင်လင်း​ကျော်၊တပ်ရင်းမှူး ဒုဗိုလ်မှူးကြီး ​နေလင်း​အောင်၊ယာယီတပ်ရင်းမှူး ဗိုလ်မှူး ​အောင်စိုးဝင်း၊ယာယီတပ်ရင်းမှူး ဗိုလ်မှူးရဲ​နောင်ထက်၊ ဗိုလ်မှူး ​ကျော်မင်းထက် နှင့်ဗိုလ် မှူး ဟိန်းထွဋ်ဦး တို့သည် ရာထူး အာဏာတည်မြဲရန်နှင့်အထက်မှ အပြစ်တင်မှု့ကို မခံလိုခြင်းတို့​ကြောင့် ​အောက်​ခြေစစ်သည်များ တိုက်ပွဲတွင် ကျဆုံးသည့် သတင်းများအား ​လူမဆန်စွာ ဖျောက်ဖျက်ထားခဲ့ခြင်းဖြစ်​ကြောင်း အတွင်းသတင်းမှသိရှိရပါသည်။

KNLA တပ်မဟာ ၅ တပ်ရင်း ၁၀၂ နှင့် KNDO တပ်ရင်း ၁ တို့၏ ထိ​တွေ့မှု့ ၁၆ကြိမ်ခန့်တွင် လက်သံ​ပြောင်သည့်တိုက်ခိုက်မှု့ ၊တိုက်မိုင်း၊ခွင်းမိုင်း၊လက်နက်ငယ် များဖြင့် တိုက်ခိုက်မှုများ​ကြောင့် ကျဆုံးစစ်သည်များအနက် စာရင်း​ပျောက် စစ်သည်များမှာ

၁။ ခမရ ၄၀၉ မှ တပ်သား ချစ်သိန်းကို။

၂။ခမရ ၄၀၈ မှ တပ်သားငယ်​ထွေး ၊တပ်သားရဲလင်း​အောင်။ တပ်သား ဝင်းထွန်း

၃။ခမရ ၄၀၆ မှ တပ်သား ချမ်း​မြေ့​အောင်

၄။ခမရ ၄၀၇ မှတပ်ကြညွန့်​မောင် ၊တပ်သား ဝေလျှံဖြိုး၊ တပ်သားသီဟစိုး၊ တပ်သားဇင်မင်းထက် ၊ဗိုလ်ဖြိုးသီဟ​ဇော် (ဒါဏ်ရာရ)

၅။ ခမရ ၄၀၂ မှ တပ်သားမိုင်ညီ​အောင်၊တပ်သားချမ်း​မြေ့​အောင်၊ တပ်သားတင်စိုး၊တပ်ကြပ် လေးမြင့်၊တပ်သား ​အောင်ဝင်း

၆။ ခမရ ၃၅၈ မှ တပ်ကြပ်ကြီး ​ဌေးဝင်း

၇။ ခလရ ၂၈ မှ တက်ကြပ်မြင့်သန်း​ဇော်၊တပ်သား ​ကျော်ဇင်လတ်၊တပ်သား ညီညီလွင်၊တပ်သားမြတ်​ဇော်ထွန်း၊တပ်သား ဖြိုးရာဇာ တို့မှာ ပြင်းထန် ဒါဏ်ရာများရခဲ့ပြီးတပ်သား ရန်နိုင်​ထွေးမှာ ကျဆုံးခဲသည်။

၈။ စအရ ၉၁၅ တပ်သား အောင်ပြည့်​ကျော်(ပြင်းထန်ဒါဏ်ရာ) တို့ဖြစ်​ကြောင်း သိရပါသည်။(ခမရ ဆိုသည်မှာ ​ခြေမြန်တပ်ရင်းဖြစ်သည်)

ထိုကဲ့သို တပ်တည်၊တပ်လှုပ်၊ကျဆုံး၊တပ်ပြေးစာရင်းကိုလိမ်လည်တင်ပြပြီး အောက်ခြေ ရဲဘော်များရပိုင်ခွင့်များ၊လစာများကိုလိမ်လည်ထုတ်စားနေသော တပ်မှုးများမြောက်များစွာရှိသော်လည်း စကစမှ အလုံးစုံ ဖော်ထုတ်အရေးမယူရဲဘဲရှိနေ​လေသည်။ထို့အပြင် မိမိလင်ယောင်္ကျားသေဆုံးသည်ကိုမသိဘဲ ရှေ့တန်းတွင်စစ်ဆင်ရေးရောက်နေသလို၊တပ်ကထွက်ပြေးသွားသလို ၊ရှေ့တန်းဖြစ်၍အဆက်အသွယ်မရသလို ရဲမေများအားလိမ်လည်ပြီး ရိက္ခာ၊လစာထုတ်စားနေသောတပ်မှုးပေါင်းများစွာကြောင့် တပ်တွင်းမကျေနပ်မှုများကြီးထွားလာနေကြောင်း အတွင်းသတင်းအရသိရှိရသည်။

အရည်အချင်းပျက်ယွင်းနေသောတပ်မှုးပေါင်းများစွာမှ မအလ သစ္စာခံများကိုရွေးထုတ်နေရာပေးသည့်အနေဖြင့် ဗိုလ်ချုပ်ဇော်နိုင်ဦးကို ကာကွယ်ရေးစခန်းမှုး၊ဗိုလ်ချုပ်စိုးမင်းကို စစ်ဆေးရေးချုပ် အနေဖြင့်ခန့်အပ်တာဝန်ပေးအပ်ကြောင်းကြားသိရသည်။

မင်း​​အောင်လှိုင်အနေဖြင့်သူ့ကိုအာခံလာနိုင်သော အရာရှိကြီးများကို အရံအင်အားရွှေ့ခြင်း၊တပ်မဲ့ပြုလုပ်ခြင်းများ ဆက်တိုက်ပြုလုပ်နေပြီး ငယ်ရွယ်သော၊အတွေ့အကြုံနည်းသော၊ဆွေးမျိုးမကင်းသော သစ္စာခံမည့် အရာရှိငယ်များကို မတန်မရာနေရာများပေးခြင်းကြောင့် အရာရှိဟောင်းကြီးများတချို့မှ”ကလေးဗိုလ်နှင့် ကလေး မအလတပ်မတော်”ဟုတီးတိုးလှောင်ပြောင်နေကြကြောင်းကြားသိရသည်။

စစ်လော်ဘီများ၊အမျိုးသားရေးသမားများနှင့် မအလသစ္စာခံများသည်လည်း တော်လှန်ရေးတပ်ဖွဲ့များကြောင့်နောက်ကျောမလုံဘဲ စိုးရိမ်ထိတ်လန့်လာနေကြကြောင်းကြားသိရသည်။တော်လှန်ရေးရဲဘော်များအနေဖြင့် အဘက်ဘက်ယို့ယွင်းနေသော ရန်သူမအလ စကစ အကြမ်းဖက်တပ်ကို ယခုထက်ပိုမို၍စည်းလုံးလျှို့ဝှက်စွာ ဘက်ပေါင်းစုံတော်လှန်တိုက်ခိုက်ပါက ကြင်စိုး(မအလ)၏ ကလေးတပ်လည်းပြိုကာ စစ်အာဏာရှင်စနစ်လည်းချုပ်ငြိမ်းသွားပေ
လိမ့်မည်။

အကိုကြီးညီ