ကိုဗစ်အကြောင်းပြကာပိတ်ထားတဲ့ တရုတ် − မြန်မာ နယ်စပ် လွယ်ဂျယ် − လိုင်းရင်း နယ်စပ်ဂိတ်ကို ဇန်နဝါရီလ ၁၇ ရက်က ပြန်လည်ဖွင့်လှစ်လိုက်တယ်လို့ ရန်ကုန်မြို့က တရုတ်သံရုံးက ထုတ်ပြန်ပါတယ်။
လွယ်ဂျယ် − လိုင်းရင်း နယ်စပ်ဂိတ်ကို ပိတ်ထားတာ ၆ လ လောက်ကြာမှာ ပြန်ဖွင့်လာတာပါ။
ပြန်ဖွင့်တဲ့ကာလမှာ မြန်မာဘက်ကနေ ကြံ နဲ့တစ်သျှူးငှက်ပျော တို့ကို တင်ပို့မှာဖြစ်ပြီး တရုတ်ဘက်က ဓာတ်မြေသြဇာ ၊ အထည်အလိပ်နဲ့ အိမ်သုံးကုန်ပစ္စည်းတွေ တင်ပို့မယ်လို့ တရုတ်သံရုံးက ဆိုထားပါတယ်။
ဒါအပြင်ဂိတ်ပိတ်ထားချိန်ကာလမှာပိတ်မိနေတဲ့ ကုန်တင်ကားတွေကို ဦးစားပေးပြီးသွားလာခွင့်ပြုမယ်လို့လည်း ဖော်ပြထားတာတွေ့ရပါတယ်။
Public Service Announcement
လွယ်ဂျယ်နယ်စပ်ဂိတ်ဟာ ကချင်ပြည်နယ်ထဲမှာ တရုတ်နဲ့ အဓိက ကုန်သွယ်တဲ့ဂိတ်ဖြစ်ပြီး နောက်တစ်ဂိတ်ကတော့ ကန်ပိုင်တည်ဂိတ်ဖြစ်ပါတယ်။
အဲဒီဂိတ်တွေကို ပြီးခဲ့တဲ့နှစ် ဇူလိုင်လ ၁၁ ရက်ကစတင်ပြီးပိတ်ထားခဲ့တာပါ။
