စစ်ကိုင်းတိုင်း၊ မုံရွာ-မန္တလေးလမ်းမကြီးအား ည ၈ နာရီမှ မနက် ၄ နာရီအတွင်း သွားလာခြင်းမပြုကြရန် မုံရွာတောင်ပိုင်းနယ် ပြည်သူ့ကာကွယ်ရေးအဖွဲ့က အသိပေးကြေညာသည်။
မိဘပြည်သူများအနေဖြင့် ယနေ့မှစ၍ တော်လှန်ရေးအောင်မြင်သည်အထိ ကျန်းမာရေးနှင့်ပတ်သက်သော အရေးကြီးကိစ္စရပ်များမှလွဲ၍ မုံရွာ-မန္တလေးလမ်းမကြီးအား
ည ၈ နာရီမှ မနက် ၄ နာရီအတွင်း အသုံးပြုကြခြင်းကို ရှောင်ရှားပေးကြစေလိုကြောင်း People Defence Force (South Monywa)က ယနေ့( ဇန်နဝါရီလ ၂၃ ရက်နေ့)တွင် အသိပေးသည်။
ကျန်းမာရေးနှင့်ပတ်သက်သော အရေးကြီးကိစ္စရပ်များကြောင့် မဖြစ်မနေ မုံရွာ-မန္တလေးလမ်းမကြီးအား အသုံးပြုမည်ဆိုပါက မည်သည့်ကားမဆို ကားမှန်များချ၍ သင့်တင့်သောအရှိန် (အမြန်မမောင်းပဲ) ဖြင့်သာ မောင်းနှင်သွားလာပေးကြစေလိုကြောင်း၊ မုံရွာ-မန္တလေးလမ်းမကြီးအား အသုံးပြုခြင်းဆိုသည်မှာ ကားများသာမက ဆိုင်ကယ်၊ ခြေလျင် အစရှိသည့် ခရီးသွားလာသောမည်သူမဆိုကို ဆိုလိုခြင်းဖြစ်ပြီးယခု ကြေငြာချက်သည် ယနေ့မှစ၍ တော်လှန်ရေးအောင်မြင်သည့်အချိန်အထိ ထုတ်ပြန်ခြင်းဖြစ်ကြောင်း People Defence Force (South Monywa)၏ ထုတ်ပြန်ချက်တွင် ဖော်ပြသည်။
စစ်ကိုင်းတိုင်း၊ မုံရွာ-မန္တလေးလမ်းမကြီးပေါ်တွင် အကြမ်းဖက်စစ်ကောင်စီ၏ကားများ မကြာခဏတိုက်ခိုက်ခံရလေ့ရှိပြီး ဇန်နဝါရီလ ၂၀ ရက်နေ့ ညနေ ၆ နာရီခန့်ကလည်း မုံရွာမြို့မှတောင်ဘက်သို့ထွက်ခွာလာသော အကြမ်းဖက်စစ်ကောင်စီကားနှစ်စီးကို ညီနောင်အဖွဲ့က မုံရွာ-ချောင်းဦးလမ်းပိုင်းတစ်နေရာ၌ မိုင်းဆွဲတိုက်ခိုက်ရာ အကြမ်းဖက်စစ်ကောင်စီ၏ လက်ကိုင်တုတ်အရာရှိတစ်ဦးအပါအဝင် ကားပိ၍ သေသူ၊ မိုင်းထိမှန်၍သေသူစုစုပေါင်း ၂၀ ကျော်သေဆုံးသည်ဟု PDFအဖွဲ့များက အသိပေးခဲ့သည်။
Public Service Announcement
