ဝက်လက်မြို့နယ် သစ်ဆိမ့်ကြီး​ရွာကို ယနေ့နံနက်က စစ်ကောင်စီတပ်များဝင်ရောက်စီးနင်းနေ

-လက်နက်ကြီး၊ လက်နက်ငယ်များဖြင့် ကျေးရွာအတွင်း ပစ်ခတ်ဟုဒေသခံများပြော

စစ်ကိုင်းတိုင်း ဝက်လက်မြို့နယ် သစ်ဆိမ့်ကြီးကျေးရွာအား အကြမ်းဖက်စစ်ကောင်စီတပ်မှ ဝင်ရောက်စီးနင်းကာ လက်နက်ကြီး၊ လက်နက်ငယ်များဖြင့် ကျေးရွာအတွင်းရမ်းသမ်းပစ်ခတ်လျက်ရှိကြောင်း ဒေသခံများက ပြောသည်။

ယနေ့(ဇန်နဝါရီ ၂၉)နံနက်အစောပိုင်း ၁ နာရီခန့်က ရေကြောင်းဖြင့်လာသော အင်အား ၄၀ ခန့်ပါ စစ်ကောင်စီတပ်က မော်တော်(ရေယာဥ်)ပေါ်မှနေ၍ သစ်ဆိမ့်ကျေးရွာပေါ်သို့ ရမ်းသမ်းပစ် ခတ်နေခြင်းဖြစ်သည်ဟု ဒေသခံများက ပြော သည်။

စစ်ကောက်စီတပ်များသည် ကျေးရွာအတွင်းသို့ ပစ်ခတ်စီးနင်းခြင်းများပြုလုပ်သည့်အပြင် ဒေသခံပြည်သူများ၏နေအိမ်များကို ဖောက်ထွင်းခြင်း၊ မီးရှို့ဖျက်ဆီးခြင်းများ လုပ်ဆောင်နေခြင်းကြောင့် ပြည်သူများဘေးလွတ်ရာရှောင်တိမ်းနေရကြောင်း ဒေသခံအမျိုးသားတစ်ဦးက အတည်ပြုသည်။

Public Service Announcement

ဝက်လက်မြို့နယ် သစ်ဆိမ့်ကြီးကျေးရွာအုပ်စုတွင် လူဦရေ ၂,၆၀၀ ကျော် နေထိုင်လျက်ရှိသည်။