ဘားအံမြို့က ဖမ်းဆီးခံလူငယ်အချို့ကို တရားရုံးက ဒီကနေ့ပြစ်ဒဏ်ချမှတ်ပြီးနောက် အပြန် လမ်းတစ်လျှောက် အချုပ်ကားပေါ်ကနေ သွေးသစ္စာသီချင်းတွေ ကျယ်လောင်စွာသီဆိုပြီး စစ်အာဏာရှင်ဆန့်ကျင်ရေး လက်သုံးချောင်းထောင်တာတွေ ပြုလုပ်ခဲ့တယ်လို့ မြို့ခံတွေရဲ့ ပြောကြားချက်အရ သိရပါတယ်။
ဘားအံမြို့မှာ စစ်ကောင်စီရဲ့ မတရားဖမ်းဆီးခံထားရတဲ့ တက္ကသိုလ်ကျောင်းသားတွေအပါအဝင် ဘားအံမြို့ခံလူငယ် ၈ ဦးကို ဒီကနေ့ တရားရုံးမှာ ပုဒ်မ ၅၀၅(က)၊ ပုဒ်မ ၁၂၄(ဂ)နဲ့ ထောင်ဒဏ် ၁၂ နှစ်စီ အမိန့်ချမှတ်လိုက်တယ်လို့ သိရပါတယ်။
အဲ့ဒီလို ပြစ်ဒဏ်ချမှတ်ခံထားရပြီးတဲ့နောက် လူငယ်တွေဟာ တရားရုံးကနေအပြန် လမ်းတစ်လျှောက်မှာ အချုပ်ကားပေါ်ကနေ လက်သုံးချောင်းထောင်ပြီး သွေးသစ္စာသီချင်းကို ကျယ်လောင်စွာသီဆိုခဲ့ကာ အဲ့ဒီလို လူငယ်တွေသီဆိုသွားတဲ့အပေါ် ကြားရတဲ့မြို့ခံတွေက ပြောပြကြပါတယ်။
