“ဒီဇင်ဘာည”ကို ခွင့်မပြုဘဲ စစ်​ကောင်စီ၏ ဝါဒဖြန့်ရုပ်သံတွင် သီဆိုသည့်အ​ပေါ် သီချင်းပိုင်ရှင် လင်းနစ် ​ဝေဖန်

“ဒီဇင်ဘာည” သီချင်းကို စစ်​ကောင်စီ၏ ဝါဒဖြန့်ရုပ်သံ MRTV တွင် သီချင်းပိုင်ရှင်၏ ခွင့်ပြုချက်မရဘဲ သီဆိုထုတ်လွှင့်ခဲ့အ​ပေါ် ခွင့်မပြု​ကြောင်း အဆိုပါသီချင်းပိုင်ရှင် အဆိုတော်လင်းနစ်က ဖေ့စ်ဘွတ်ခ်တွင် ရေးသားထားသည်။

ယင်းသီချင်းကို သီဆိုထုတ်လွှင့်မည့်အကြောင်းကို အဆိုတော် တက္ကသိုလ်လဲ့လဲ့က ၎င်းထံ မက်ဆင်ဂျာမှတစ်ဆင့် ခွင့်တောင်းခဲ့သော်လည်း ၎င်းဘက်က ခွင့်မပြုခဲ့ကြောင်း ၎င်းတို့နှစ်ဦးပြောထားသည့် Screen Shot များနှင့်အတူ အသိ​ပေးထားခြင်းဖြစ်သည်။

“တက္ကသိုလ်လဲ့လဲ့ဆိုတဲ့ အန်တီက ဘယ်လိုပါးစပ်နဲ့ လာခွင့်တောင်းရဲလဲမသိဘူး ဒီခွေးမသားတွေလုပ်လို့ ဒုက္ခရောက်နေတဲ့သူဆီကို ဒီခွေးမျိုးတွေရဲ့မီဒီယာမှာတင်ဆက်ဖို့ ခွင့်လာတောင်းတယ်ဆိုတာ တော်ရုံသောက်ရှက်မရှိတာတော့မဟုတ်ဘူး ။ဆိုမယ့် ချင်းတိုင်းရင်းသူဆိုတာလည်း အံဩတာပဲ ကိုယ်ပြည်နယ်တစ်ခုလုံး လေယာဥ်နဲ့ဗုံးကြဲလိုက် မီးရှို့လိုက်လုပ်နေတာတောင် အဲ့ကောင်တွေဆီသွားဆိုနိုင်သေးတယ် “ဟု လင်းနစ်က ရေးသားထားသည်။

ဒီဇင်ဘာည သီချင်းကို ဖေဖော်ဝါရီ ၁၈ရက်က MRTV ၏ ဖျော်ဖြေမှုအစီအစဥ်တစ်ခုတွင် ရေဂျီးနားဆိုသည့် အမျိုးသမီးက သီချင်းပိုင်ရှင်၏ ခွင့်ပြုချက်မရှိဘဲ သီဆိုခဲ့ခြင်းဖြစ်သည်။

Public Service Announcement

MRTVအနေဖြင့် ၎င်းတို့ကိုထောက်ခံသည့် အဆိုရှင်များကို ခေါ်ယူ၍ အပတ်စဥ် သီဆို​ဖျော်​ဖြေပွဲများပြုလုပ်လျက်ရှိပြီး ၎င်းတို့ သီဆိုမှုများမှာ အဆင်မပြေသောကြောင့် လှောင်ပြောင်ခံနေရသည်။