မန္တလေးတိုင်း မြင်းခြံမြို့နယ်အတွင်း စစ်ကောင်စီ၏ အဓိက ထောက်တိုင် ဖြစ်သော မြန်မာဘီယာအား ဖြန့်ဖြူးရောင်းချလျက်ရှိသည့် ဆိုင်များကို မြင်းခြံခရိုင် တပ်ပေါင်းစုက အမည်စာရင်းနှင့်အတူ ထုတ်ပြန်၍ ဆက်လက်ရောင်းချပါက စစ်ကောင်စီထောက်တိုင် အဖြစ် သတ်မှတ်ချေမှုန်းဖျက်ဆီး မည်ဖြစ်ကြောင်း အသိပေးထားသည်။
မတ်လ ၁၂ရက်တွင် ထုတ်ပြန်သည့် အဆိုပါ သတိပေးချက်တွင် လတ်တလော မြန်မာဘီယာရောင်းချနေသည့် ဆိုင် ၇ဆိုင်မှာ မွှေးမွှေးစတိုး၊ ဘကျော်ဘီယာဆိုင်၊ ပန်းခင်း ဘီယာဆိုင်၊ Dream Garden၊ Lucky Star ၊ ရွှေဝိုင်းတော်နှင့် ခိုင်ရွှေတို့ ဖြစ်သည်ဟုဆိုသည်။
ယင်းဆိုင်များအနေဖြင့် ၎င်းတို့၏ လုပ်ရပ်များကို ပြင်ဆင်ရန် အချိန် ၁၅ရက် ပေးလိုက်ကြောင်း ၊ စစ်ကောင်စီ၏ အကျိုးစီးပွား ထောက်တိုင်များနှင့် လွတ်ကင်းသော ကုန်ပစ္စည်းများကိုသာ ဖြန့်ဖြူးရောင်းချခြင်းဖြင့် စီးပွားရှာကြရန် တိုက်တွန်းကြောင်း မြင်းခြံခရိုင်တပ်ပေါင်းစုက ထုတ်ပြန်သည်။
