မန္တလေးတိုင်းရှိ မြစ်ငယ် PDF စခန်းဝင်ရောက်စီးနင်းခံရပြီး ရဲဘော်နှစ်ဦးကျဆုံးကာ ၂၉ဦးဖမ်းဆီးခံခဲ့ရကြောင်း မြစ်ငယ်ပြည်သူ့ကာကွယ်ရေးတပ်ဖွဲ့ (MN PDF)က ယနေ့ညပိုင်းတွင် ထုတ်ပြန်သည်။
ယနေ့(မတ်လ ၃၀ ရက်)နံနက် ၆နာရီခန့်တွင် စစ်ကောင်စီက သာလွန်အင်အား ဖြင့် ဝင်ရောက်စီးနင်းခဲ့ခြင်းဖြစ် သည်ဟု ဆိုသည်။
ဒေသတွင်း သတင်းရင်းမြစ်များ၏ ထုတ်ပြန်ချက်တွင်လည်း မြို့သာမြို့အနီး သရက်ကန်ရွာ အရှေ့ဘက်တောင်ကြောရှိ မြစ်ငယ်ပြည်သူ့ကာကွယ်ရေးတပ်ဖွဲ့ (MN PDF) စခန်းကို စစ်ကောင်စီတပ်ဖွဲ့ဝင် အင်အား ၂၀၀ခန့်သည် လက်နက်ကြီး၊လက်နက်ငယ်များအသုံးပြု ၍ ဝင်ရောက်စီးနင်းခဲ့ကြောင်း အသိပေးသည်။
အခြားတော်လှန်ရေးအဖွဲ့များ၏ အကူအညီကြောင့် ကျန်ရှိသော အဖွဲ့ဝင်များစွာမှာ လွတ်မြောက်ရာနေရာသို့ ရောက်ရှိခဲ့ပြီးဟုလည်း ထုတ်ပြန်ချက်၌ ဖော်ပြသည်။
Public Service Announcement
ကျဆုံးရဲဘော်များနှင့် ဖမ်းဆီးခံရဲဘော်များအတွက် ဆက်လက်တိုက်ပွဲဝင်သွားမည်ဟု မြစ်ငယ်ပြည်သူ့ကာကွယ်ရေးတပ်ဖွဲ့ (MN PDF)က ကတိပြုသည်။
