ကရင်နီပြည်နယ် လွိုင်ကော်မြို့ ဒေါဥခူရပ်ကွက်တွင် အကြမ်းဖက်စစ်ကောင်စီတပ်က ထောင်ထားခဲ့သော မြေမြုပ်မိုင်းပေါက်ခွဲပြီး ကလေးနှစ်ဦးထိခိုက်ဒဏ်ရာရခဲ့သည်ဟု ကရင်နီအမျိုးသားကာကွယ်ရေးတပ်(KNDF) သတင်းနှင့်ပြန်ကြားရေးဌာနက ထုတ်ပြန်သည်။
ဒေါဥခူရပ်ကွက်တွင် ဧပြီ ၄ ရက်က မြေမြုပ်မိုင်းပေါက်ကွဲ့ခဲ့ခြင်းဖြစ် ကလေးနှစ်ဦးအနက် တစ်ဦးမှာဒဏ်ရာပြင်းထန်သည်ဟု KNDFက ထုတ်ပြန်သည်။
“ကလေးနှစ်ယောက်ထိသွားတယ်။ ဒီဒေသမှာ စစ်ကောင်စီက ထောင်ထားတဲ့ မြေမြုပ်မိုင်းတွေကြောင့် အရပ်သားတွေ အသက်အန္တရာယ်ရှိနေတယ်”ဟု ဟု KNDF သတင်းနှင့်ပြန်ကြားရေးတာဝန်ရှိသူတစ်ဦးကပြောသည်။
အကြမ်းဖက်စစ်ကောင်စီတပ်သည် ယခုရက်ပိုင်းအတွင်းဒီမော့ဆိုမြို့နယ် ထွီလွီးဘီလာနှင့်နှင့် ဖရူဆိုမြို့နယ် ကဒါးလာ ကျေးရွာအနီးတွင် တပ်အင်အားဖြည့်တင်းနေပြီး အရပ်သားများရှ်ိရာနေရာများကို လက်နက်ကြီးဖြင့် ပစ်ခတ်နေသည်ဟု ဒေသခံများက ပြောသည်။
ထွီလွီးဘီလာကျေးရွာအနီး ယမန်နေ့က ဖြစ်ပွားသော တိုက်ပွဲတွင် အကြမ်းဖက်စစ်ကောင်စီတပ်မှ သုံးဦးသေဆုံးခဲ့ပြီး ပြည်သူကာကွယ်ရေးအဖွဲ့မှ ရဲဘော်တစ်ဦး ကျဆုံးခဲ့သည်။
ကျဆုံးသွားသော KNDFရဲဘော်၏ စျာပနကို ယနေ့ပြုလုပ်ခဲ့သည်။