Connect with us

Hi, what are you looking for?

News

စစ်ကောင်စီမှပြုလုပ်သော ပျော်ပွဲ၊ရွှင်ပွဲများနှင့် အုပ်ချုပ်​ရေးမှူးရုံးကိုပဲခူးခရိုင်PDF တိုက်ခိုက် သတိ​ပေး

စစ်​ကောင်စီအုပ်ချုပ်ရေးမှူးရုံးနှင့် စစ်ကောင်စီမှပြုလုပ်သောပျော်ပွဲရွှင်ပွဲများကို ပဲခူးခရိုင် PDFတပ်ရင်း(၁)နှင့်(၂)မှသတိပေးတိုက်ခိုက်ခဲ့ကြောင်း ပဲခူးတိုင်းစစ်ဒေသခွဲမှ ယနေ့(ဧပြီ ၁၁)ထုတ်ပြန် သည်။

(ပြည်သူ့ကာကွယ်​ရေးတပ်မ​တော်ပဲခူးတိုင်းစစ်ဒေသခွဲမှ တပ်ဖွဲ့ဝင်များ ။ ဓါတ်ပုံ-PDF(ပဲခူး​ဒေသ)

တိုက်ခိုက်မှုများကို တောကျွဲအင်းမြို့၊ ပဲနွယ်ကုန်းမြို့နှင့် သနပ္ပင်မြို့နယ်တို့တွင် ပြုလုပ်ခဲ့ခြင်းဖြစ်ပြီး စစ်ကောင်စီခန့် အုပ်ချုပ်ရေးမှူးရုံးနှစ်ရုံးနှင့် လောင်းကစားဝိုင်း၊ သကြ်န်မဏ္ဍပ်၊ ပျော်ပွဲရွှင်ပွဲပြုလုပ်သည့်နေရာစသည့်တို့ကို တိုက်ခိုက်ခဲ့ခြင်းဖြစ်ကြောင်း ထုတ်ပြန်ချက်တွင် ဖော်ပြသည်။

■တောကျွဲအင်း

ယမန်နေ့(ဧပြီ ၁၀)ည ၈ နာရီခန့်တွင် တောကျွဲအင်းမြို့ အဝေရာရပ်ကွက်အုပ်ချုပ်ရေးမှူးရုံးကို ပဲခူးခရိုင် တပ်ရင်း(၂)၊ ဗိုက်ကျောက်ခဲဦး ဆောင်သော တပ်ခွဲ(၁)က ဖောက်ခွဲတိုက်ခိုက်ခဲ့ရာ အုပ်ချုပ်ရေးမှူးဆန်းလွင်ဦးနှင့် ပျူးစောထီး ကုလားလေးသန်းဇော်တို့ ထိခိုက်ဒဏ်ရာရရှိခဲ့သည်ဟု ထုတ်ပြန်သည်။

အလားတူ ယင်းနေ့ည ၈ နာရီခွဲတွင်လည်း တောကျွဲအင်းမြို့ သတိပဌာန်ရပ်ကွက်ရုံးအား သတိပေးတိုက်ခိုက်ခဲ့ကြောင်း ဖော်ပြသည်။

Public Service Announcement

Public Service Announcement

■ပဲနွယ်ကုန်း

ဧပြီ ၁၀ ရက်နေ့ည ၈ နာရီ ၅ မိနစ်တွင် ကျောက် တံခါးမြို့နယ် ပဲနွယ်ကုန်းမြို့ ဂွေးကုန်းကျေးရွာအထွက်တွင် အာဏာသိမ်းအကြမ်းဖက်စကစမှ ပြုလုပ်သော ပျော်ပွဲရွှင်ပွဲ လောင်းကစားဝိုင်းနှင့် စတိတ်ရှိုးအနီးတွင် သတိပေးဖောက်ခွဲမှုပြုလုပ်ခဲ့ကြောင်း ထုတ်ပြန်သည်။

အလားတူ ယင်းနေ့ည ၈ နာရီခွဲတွင်လည်း ကြိမ် ခါးကုန်းရွာ လောင်းကစားဝိုင်းအနီးတွင် သ တိပေးသည့်အနေဖြင့် ထပ်မံဖောက်ခွဲတိုက် ခိုက်ခဲ့ပြီး ထိုသို့ပြုလုပ်ရာတွင် ပြည်သူများထိခိုက်မှုကိုရှောင်ကွင်းပြီး ပျော်ပွဲရွှင်ပွဲ ပစ္စည်းများကိုသာ သတိပေးသည့်အနေဖြင့် တိုက်ခိုက်မှုပြုလုပ်ခဲ့သည်ဟု ဆိုသည်။

■သနပ္ပင်

ပဲခူးခရိုင် တပ်ရင်း(၁)၊ တပ်ခွဲ(၂) သနပ္ပင် PDF က ဧပြီ ၁၀ ရက်နေ့ည ၁၂ နာရီ ၁၅ မိနစ်တွင် သနပ်ပင်မြို့တောင်ဘက်ကမ်း မြို့တွင်းဖြတ်တံတားအဆင်း (ဥာဏ်ဆောင်းစားသောက် ဆိုင်ရှေ့ )၌ စစ်ကောင်စီမှဆောက်လုပ်ထားသော သင်္ကြန်မဏ္ဍာပ်အား မိုင်းဖြင့်ဖောက်ခွဲခဲ့သည်။

ထိုဖောက်ခွဲမှုတွင် မဏ္ဍာပ်ပျက်စီးခဲ့ပြီး ည စောင့် ရဲတစ်ဦးထိခိုက်ဒဏ်ရာရခဲ့ကြောင်း အသိပေးသည်။

ပဲခူးခရိုင် တပ်ရင်းအနေဖြင့် အာဏာသိမ်းအကြမ်းဖက်စစ်ကောင်စီနှင့် ၎င်းတို့​၏ အုပ်ချုပ်ရေးယန္တရားတွင်ပါဝင်သူများကို ယခုထက်ပိုမို အရှိန်အဟုန်မြင့်ကာ တိုက်ခိုက်သွားမည်ဖြစ်ပြီး ပြည်သူများအနေဖြင့် အာဏာ သိမ်းစစ်တပ်မှပြုလုပ်သော ပျော်ပွဲရွှင်ပွဲများ၊ လောင်းကစားဝိုင်းများတို့တွင်ပါဝင်ခြင်းမပြုကြရန်နှင့် စစ်ကောင်စီတပ်များနှင့် ဝေးရာတွင် နေထိုင်ကြရန် မေတ္တာရပ်ခံ တိုက်တွန်းထားသည်။

ဆက်စပ်သတင်းများ

သတင်း

ပြည်သူအချို့က စစ်ကောင်စီရဲ့ လုပ်နည်းလုပ်ဟန်အပေါ် မေးခွန်းထုတ်

သတင်း

အမျိုးသားညီညွတ်ရေးအစိုးရ(NUG)၊ ကာကွယ်ရေးဝန်ကြီးဌာန၊ ပြည်သူ့ကာကွယ်ရေးတပ်မတော်(PDF)၊ စစ်ရုံးချုပ်ကွပ်ကဲမှုအောက်ရှိ အမှတ် (၉၇၁၁) တပ်ရင်းကို လက်နက်တပ်ဆင်ခြင်းအခမ်းအနား ကျင်းပခဲ့ကြောင်း ပြည်သူ့ကာကွယ်ရေးတပ်မတော် က သတင်းထုတ်ပြန်ပါတယ်။

သတင်း

ပြည့်သူ့ကာကွယ်​ရေးတပ်မ​တော်(PDF)၊အထူးတိုင်းစစ်ဌာန သုံ့ပန်းစခန်းမှာ ပေးအပ်တဲ့တာဝန်တွေကို ကျေပွန်အောင်ထမ်းဆောင်ခဲ့တဲ့ စစ်သုံ့ပန်း ၁၆ ဦးကို သူတို့ရဲ့ဆန္ဒအလျောက် ပြည်သူ့ကာကွယ်ရေးတပ်မတော်သားတွေအဖြစ် တာဝန်ထမ်း‌ ဆောင်ခွင့် ပြုလိုက်တယ်လို့အမျိုးသားညီညွတ်ရေးအစိုးရ (NUG)ကာကွယ်ရေးဝန်ကြီးဌာနက သတင်းထုတ်ပြန်ပါတယ်။

သတင်း

စစ်တပ်က အင်း​တော်မှာပြည်သူ ၁ဦးကိုသတ်ပြီး ၁ ဦးကိုဖမ်း​​ခေါ်သွား

Facebook