ရဟတ်ယာဉ်ဌားရမ်းဝယ်ယူတဲ့အပေါ် အဂတိပုဒ်မနဲ့ သမ္မတ ဦးဝင်းမြင့်၊ နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် တို့ကို စွပ်စွဲထားတဲ့အမှုမှာ စစ်ကောင်စီရဲ့အဂတိကော်မရှင်က တင်သွင်းလာတဲ့ စာရွက်စာတမ်းတွေ ကန့်ကွက်ခံလိုက်ရပါတယ်။
ဒီအမှုကို မနေ့ က ဧပြီလ ၁၉ ရက် နေပြည်တော်က အထူးတရားရုံးမှာစစ်ဆေးတာပါ။
စစ်ကောင်စီက တရားစွဲခိုင်းထားတဲ့ တရားလို ဖြစ်တဲ့ အဂတိကော်မရှင်က ဦးအောင်ခန့်ကို မနေ့က ရုံးချိန်းမှာစစ်ဆေးတယ်လို့ တရားရုံးနဲ့နီးစပ်သူတွေထံက သိရပါတယ်။
ဒီလိုစစ်ဆေးရာမှာ တရားလိုဘက်က တင်သွင်းတဲ့ သက်သေခံ စာရွက်စာတမ်းတွေကို သမ္မတနဲ့ ဒေါ်အောင်ဆန်းစုကြည်တို့ဘက်က ရှေ့နေတွေက အမှုနဲ့မသက်ဆိုင်တဲ့အတွက် ကန့်ကွက်ခဲ့တယ်လို့သိရပါတယ်။
Public Service Announcement
ရှေ့နေတွေကို မီဒီယာ ဖြေဆိုခွင့် စစ်ကောင်စီက ပိတ်ထားတဲ့အတွက် ကန့်ကွက်ခံရတဲ့စာရွက်စာတမ်းတွေထဲမှာ ဘာအကြောင်းအရာတွေပါဝင်လဲဆိုတာကိုတော့အသေးစိတ်မသိရပါဘူး။
ကန့်ကွက်မှုအပေါ် လာမယ့်ဧပြီလ ၂၆ ရက်မှာ တရားရုံးဘက်က ဆုံးဖြတ်ချက်ချပေးမယ်လို့သိရပါတယ်။
