Connect with us

Hi, what are you looking for?

News

မတ္တရာမြို့နယ်ရှိ ပြည်သူ့ကာကွယ်ရေးအဖွဲ့တပ်စခန်းကို စစ်ကောင်စီတပ်ဝင်စီး

စစ်ကောင်စီတပ်သည် သဖန်းကိုင်းကျေးရွာရှိ စခန်းတစ်ခုအား အင်အားသုံး စီးနင်းဝင်ရောက်ခဲ့၍ မေလ ၄ရက် နံနက် ၇နာရီအချိန်တွင် ညီနောင်မဟာမိတ် (၄)ဖွဲ့က စစ်ကောင်စီတပ်ကို ခုခံတိုက်ခိုက်ခဲ့ရာ စစ်ကောင်စီတပ်မှ ၁၁ဦးသေ၊ ငါးဦး ဒဏ်ရာ ရခဲ့သည်ဟု ဖော်ပြထားသည်။

▪️အမျိုးသမီးသုံးဦးအပါအဝင် ခုနစ်ဦးဖမ်းဆီးခံရဟု ဒေသခံပြော၊ စစ်​​ကောင်စီတပ် ၁၁ ဦး​သေဟုPDFအဖွဲ့များထုတ်ပြန်

မန္တလေးတိုင်း မတ္တရာမြို့နယ်ရှိ သဖန်းကိုင်းကျေးရွာ အုပ်စုသို့ စစ်ကြောင်းထိုးလာသည့် စစ်ကောင်စီတပ်ကို ပြည်သူ့ကာကွယ်ရေးပူးပေါင်းတပ်ဖွဲ့က တိုက်ခိုက်ခဲ့ရာ စစ်ကောင်စီတပ်မှ သေဆုံးထိခိုက် ရှိခဲ့သည်ဟု မတ္တရာ ပြည်သူ့ကာကွယ်ရေးတပ်(MPDF)က ထုတ်ပြန်သည်။

စစ်ကောင်စီတပ်သည် သဖန်းကိုင်းကျေးရွာရှိ စခန်းတစ်ခုအား အင်အားသုံး စီးနင်းဝင်ရောက်ခဲ့၍ မေလ ၄ရက် နံနက် ၇နာရီအချိန်တွင် ညီနောင်မဟာမိတ် (၄)ဖွဲ့က စစ်ကောင်စီတပ်ကို ခုခံတိုက်ခိုက်ခဲ့ရာ စစ်ကောင်စီတပ်မှ ၁၁ဦးသေ၊ ငါးဦး ဒဏ်ရာ ရခဲ့သည်ဟု ဖော်ပြထားသည်။

အနီးရှိ ​ဒေသခံပြည်သူ ငါးဦးကို စစ်ကောင်စီတပ်က ဖမ်းဆီးသွား သည်ဟုဆိုသည်။ စစ်ကောင်စီတပ်ကို ခုခံတိုက်ခိုက်ခဲ့သည့် အဖွဲ့များမှာ နဂါးညီနောင် PDF၊ MDY PDF၊ ဇာမနီ PDF၊ မတ္တရာ ပြည်သူ့ကာကွယ်ရေးတပ်(PDF) တို့ ဖြစ်သည်ဟု ဖော်ပြထားသည်။

Public Service Announcement

Public Service Announcement

” ဒီနေ့ မနက် ၅နာရီမှာ ကားကြီးက ၇စီး၊ ကားလေးက ၆စီး ဝင်တယ်။ အင်အား ၂၀၀ ကျော်အင်အားနဲ့။ ဝင်ပြီး တော့ မြောင်းသစ်ရွာထိပ်မှာ ကားတွေရပ်တယ်။ မြောင်းသစ်ရွာ ပတ်ချာလည်ကို ဖြတ်မွှေတယ်။ ၇နာရီ မထိုးခင် ၅မိနစ်မှာ စပြီးပစ်ခတ်မှု ဖြစ်တယ်။ လက်နက်ကြီးတွေပစ်တယ်။ RPG သံတွေကြားတယ်။ အဲဒီမှာ နောက်ဆုံး သတင်းအတည်ပြုနိုင်ကျတော့ သူတို့နေတဲ့ တဲနေရာမှာ ခုနစ်ယောက်၊ အမျိုးသမီးက သုံးယောက်တဲ့။ အမျိုးသားက လေးယောက်တဲ့။ တစ်နေရာထဲမှာ ခုနစ်ဦး အဖမ်းခံရတယ်ကြားတယ်။ သူတို့နေတဲ့ တဲကို မီးရှို့သွားပြီလို့ ကြားတယ်။အဲဒီနေရာက မြောင်းသစ်ရွာနဲ့ သဖန်းကိုင်ရွာကြားမှာပေါ့”ဟု မတ္တရာ ဒေသခံက ပြောသည်။

စစ်ကောင်စီတပ်သည် ယခင်ကလည်း မတ္တရာမြို့နယ်ရှိ ကျေးလက်ဒေသများသို့ ဝင်ရောက်စစ်ကြောင်းထိုး လှုပ်ရှားခဲ့၍ ဒေသခံ ပြည်သူ့ကာကွယ်ရေးတပ်များက တိုက်ခိုက်ခဲ့သည်။

ဆက်စပ်သတင်းများ

သတင်း

မကွေးတိုင်း၊ မင်းတုန်းအနောက်ခြမ်းက အာဏာသိမ်းစစ်တပ်ရဲ့ ပွိုင့်ကုန်းစခန်းတွေကို တော်လှန်ရေးတပ်တွေက တန်ပြန်ထိုးစစ်ဆင်နေတယ်လို့ မြေပြင်စစ်ရေး သတင်းရင်းမြစ်တချို့က လူထုနွေဦးကို ပြောပါတယ်။

သတင်း

ပြည်သူအချို့က စစ်ကောင်စီရဲ့ လုပ်နည်းလုပ်ဟန်အပေါ် မေးခွန်းထုတ်

သတင်း

အမျိုးသားညီညွတ်ရေးအစိုးရ(NUG)၊ ကာကွယ်ရေးဝန်ကြီးဌာန၊ ပြည်သူ့ကာကွယ်ရေးတပ်မတော်(PDF)၊ စစ်ရုံးချုပ်ကွပ်ကဲမှုအောက်ရှိ အမှတ် (၉၇၁၁) တပ်ရင်းကို လက်နက်တပ်ဆင်ခြင်းအခမ်းအနား ကျင်းပခဲ့ကြောင်း ပြည်သူ့ကာကွယ်ရေးတပ်မတော် က သတင်းထုတ်ပြန်ပါတယ်။

သတင်း

ပြည့်သူ့ကာကွယ်​ရေးတပ်မ​တော်(PDF)၊အထူးတိုင်းစစ်ဌာန သုံ့ပန်းစခန်းမှာ ပေးအပ်တဲ့တာဝန်တွေကို ကျေပွန်အောင်ထမ်းဆောင်ခဲ့တဲ့ စစ်သုံ့ပန်း ၁၆ ဦးကို သူတို့ရဲ့ဆန္ဒအလျောက် ပြည်သူ့ကာကွယ်ရေးတပ်မတော်သားတွေအဖြစ် တာဝန်ထမ်း‌ ဆောင်ခွင့် ပြုလိုက်တယ်လို့အမျိုးသားညီညွတ်ရေးအစိုးရ (NUG)ကာကွယ်ရေးဝန်ကြီးဌာနက သတင်းထုတ်ပြန်ပါတယ်။

Facebook