ချောင်ဦး – ပခုက္ကူလမ်းပိုင်းရှိ ကျေးရွာတစ်ရွာမှ ပစ္စည်းများခိုးယူသယ်နေသည့် စစ်ကောင်စီယာဥ်သုံးစီး မိုင်းဆွဲတိုက်ခိုက်ခံရပြီး စစ်ကောင်စီတပ်သား သေဆုံးထိခိုက်သူများပြားကြောင်း စစ်ကိုင်းခရိုင်တပ်ရင်း – ၄(MSPDF)က ယနေ့(မေ ၁၀ ရက်) ထုတ်ပြန်သည်။
မိုင်းဆွဲတိုက်ခိုက်မှု ဖြစ်စဥ်မှာ ယမန်နေ့(မေ ၉ ရက်) နံနက် ၄နာရီ ၄၅မိနစ်ခန့်ကဖြစ်ပြီး မြင်းခြံခရိုင်တပ်ရင်း – ၁ (27 revolution force)၊ Natogyi Regional Defence Force နှင့် မြင်း ခြံခရိုင်တပ်ရင်း – ၃ (မြေလတ် PDF) တို့နှင့် ပူးပေါင်းဆောင်ရွက်ခဲ့သည်ဟု ဆိုသည်။
“စုစုပေါင်း မိုင်း ကိုးလုံးဆွဲ တိုက်ခိုက်ခဲ့တယ်။ကားတစ်စီးဘော်ဒီတော့ တော်တော်ကို ထိခိုက်သွားတယ်” MSPDF တာဝန်ရှိသူက People’s Springသို့ ပြောသည်။
“ပျူတွေပါနိုင်တယ်။ မိုင်းမိပြီး ကားကခဏရပ်သွားတယ်။ မိုးကာအုပ်ထားတာ မိုးကာတွေရောပေါက်သွားတယ်။ ပြန်ပြစ်တာမျိုးတော့မရှိဘူး။ဆင်ဖြူရှင်တံတား အနောက်ဖက်ဂိတ်ကိုရောက်တော့ လူနာတင်ယဥ်ခေါ်ပြီးသွားတာဗျ။ ဆင်ဖြူရှင်တံတားကလဲ ခွေးတွေတပ်စွဲနေရာယူထားတဲ့ တံတားပါ။”ဟု MSPDF တာဝန်ရှိသူက ပြောသည်။
Public Service Announcement
လုံခြုံရေးအရ လတ်တလောမဖော်ပြနိုင်သေးသည် ကျေးရွာ၌ ပစ္စည်းလုယူမှုတွင် အကြမ်းဖက်စစ်ကောင်စီမှ မြေပြင်အဖွဲ့နှင့် ယာဥ်တန်းပေါ်ပါရှိသူ စုစုပေါင်း အင်အား ၁၀၀ခန့်ရှိနိုင်သည်ဟု ၎င်းက ဆိုသည်။
ယခုလ ၇ ရက်ကလည်း မြောင်မြို့နယ်မြို့နယ်အတွင်း စစ်ကြောင်းထိုးနေသည့် စစ်ကောင်စီ တပ်ကို မိုင်းဆွဲတိုက်ခိုက်ရာ နှစ်ဦးသေဆုံးပြီး ငါးဦးထိခိုက်ဒဏ်ရာရရှိခဲ့ကြောင်း MSPDF က ထုတ်ပြန်ထားသည်။
