သာရာဝတီခရိုင် အုတ်ဖိုမြို့နယ်မှ စစ်ကောင်စီခန့်အုပ်ချုပ်ရေးမှူးနှင့် ရာအိမ်မှူးတစ်ဦးကို သုတ်သင်ရှင်းလင်းလိုက်ကြောင်း ပဲခူးတိုင်းစစ်ဒေသခွဲက ယနေ့(မေ ၁၁)ထုတ်ပြန်သည်။
အုတ်ဖိုမြို့နယ် ဝိုင်းကျေးရွာအုပ်စု အုပ်ချုပ်ရေးမှူး၊ ပျုစောထီးခေါင်းဆောင် ခင်မောင်သန်းနှင့် တာဝါတိုင်ကျေးရွာ ရာအိမ်မှူးအောင်မျိုးဇော်တို့ကို ယနေ့ညနေ ၆ နာရီခန့်က သုတ်သင်ရှင်းလင်းခဲ့ခြင်းဖြစ်ကြောင်း ဖော်ပြသည်။
ထိုသို့ရှင်းလင်းရာတွင် အကြမ်းဖက်စစ်ကောင်စီခန့် ပျုစောထီး အုပ်ချုပ်ရေးမှူးနှင့် ရာအိမ်မှူးတို့နှစ်ဦးစလုံး နေရာတွင်ပင် ပွဲချင်းပြီးသေဆုံးသွားပြီး ပြည်သူ့ကာကွယ်ရေးတပ်ဖွဲ့ဝင်များ အထိအခိုက်မရှိ ဆုတ်ခွာနိုင်ခဲ့ကြောင်း အသိပေးသည်။
အထက်ပါတိုက်ခိုက်မှုကို ပဲခူးတိုင်း ပြည်သူ့ကာကွယ်ရေးတပ်ဖွဲ့ တပ်ရင်းအမှတ် (၃၈၀၂)တပ်ခွဲ – ၄မှ တိုက်ခိုက်ခဲ့ခြင်း ဖြစ်သည်။
Public Service Announcement
