ခရီးသွားများကို ​သေနတ်ပြ​ငွေ​တောင်း​နေ​သောပျူနှစ်ဦးကို​တော်လှန်​ရေးအဖွဲ့များကသုတ်သင်ရှင်းလင်း၊​ သေနတ်တစ်လက်ရ

စစ်ကိုင်းတိုင်း၊ မုံရွာမြို့နယ်၊ မုံရွာ-မန္တလေးလမ်းမကြီးပေါ်တွင် ခရီးသွားပြည်သူများအားသေနတ်ပြခြိမ်းခြောက်ငွေညှစ်နေသည့် ပျူစောထီးနှစ်ဦးအားသုတ်သင်ရှင်းလင်းခဲ့ကြောင်း Monywa Satan နှင့် မုံရွာPDFအဖွဲ့တို့ကသတင်းထုတ်ပြန်သည်။

ယနေ့ (ဇွန်-၄)နံနက်ပိုင်းက မုံရွာမြို့ ကြေးမုံရွာအဝင်ဇရပ်အနီးတွင် ပစ်ခတ်ရှင်းလင်းခဲ့ခြင်းဖြစ်သည်။ ၎င်းပျူစောထီးနှစ်ဦးသည် တောပုကျေးရွာမှ ချစ်သဲ နှင့် နန်းအောင်တို့ဖြစ်ပြီး လာသမျှ ကား၊ဆိုင်ကယ်များကို သေနတ်ပြ၍ ဓားပြတိုက် တောင်းရမ်းနေကြောင်း၊ ၎င်းတို့နှစ်ဦးအား အလစ်အငိုက်တွင် ပစ်ခတ်တိုက်ခိုက်ခဲ့ရာ နှစ်ဦးလုံးနေရာတွင် ပွဲချင်းပြီး သေဆုံးကာ သေနတ် တစ်လက်သိမ်းဆည်းရရှိခဲ့ကြောင်း Monywa Satan အဖွဲ့က ပြောသည်။

“​နှစ်ဆန်းတစ်ရက်နေ့က တောပုကပျူတွေသတ်သွားတဲ့ရဲဘော်ငါးယောက်အတွက် ကလဲ့စားချေခွင့်ရလို့အရမ်းကျေနပ်ပါတယ်။ ပြီးတော့ ဒီကောင်တွေက လမ်းသွားလာနေတဲ့ ပြည်သူတွေကိုအမြဲဒုက္ခပေးနေတဲ့ကောင်တွေပါ။”ဟု Monywa Satan အဖွဲ့တာဝန်ရှိသူက People’s Springသို့ ပြောသည်။

၎င်းပျူစောထီးနှစ်ဦးရှင်းလင်းသည့်ဖြစ်စဥ်တွင်MPDF၊ Special Force 11၊ Monywa Hero Group၊ Monywa The Boy၊ Special ဒိတ်ဒိတ်​ကြဲ၊ Monywa Satan တို့ပူးပေါင်းတိုက်ခိုက်ခဲ့သည်။

Public Service Announcement

ပြည်သူများအ​နေဖြင့် စစ်​ကောင်စီတပ်များ ၊ရဲများ စ​သောစစ်​​ကောင်စီ​ထောက်တိုင်များနှင့်​ဝေး​ဝေး​နေရန် MPDF ကအသိ​ပေးသည်။

မေလ ၃၀ ရက်နေ့ကလည်း ပြည်သူကိုလက်နက်အားကိုးဖြင့် အနိုင်ကျင့်နှိပ်စက်နေပြီး PDFများကို စစ်ကောင်စီနှင့်ပေါင်းကာ ဖမ်းဆီးမည်ဟု ခြိမ်းခြောက်ခဲ့သည့် တောပုကျေးရွာမှ ပျူစောထီးတစ်ဦးကို ​တော်လှန်​ရေးအဖွဲ့များကသုတ်သင်ရှင်းလင်းခဲ့​သေးသည်။

ပြီးခဲ့သည့် ဧပြီလ ၁၇ ရက် မြန်မာနှစ်ဆန်းတစ်ရက်နေ့က မုံရွာ-မန္တလေးလမ်းမကြီးပေါ်တွင် စစ်အာဏာရှင်ဆန့်ကျင်ရေး ဆန္ဒပြနေသည့်ပြည်သူများအား လုံခြုံရေးကင်းစောင့်ပေးနေသည့် ချောင်းဦး PDF မှ ရဲဘော် ၅ဦးကို တောပုကျေးရွာပျူများက သတ်ဖြတ်ခဲ့ခြင်းဖြစ်သည်။