Connect with us

Hi, what are you looking for?

သတင်း

ပဲခူးမြို့ ကလျာဏီရပ်ကွက်မှ စစ်ကောင်စီခန့်အုပ်ချုပ်ရေးမှူးရုံး သေနတ်ဖြင့်အပစ်ခံရ၊ ရာအိမ်မှူးနှစ်ဦး ကျည်ထိ

ယမန်နေ့ည ၈ နာရီခန့်က ကလျာဏီရပ်ကွက်အုပ်ချုပ်ရေးမှူးရုံးအား အမည်မသိလူငယ်နှစ်ဦးက လာရောက်ပစ်ခတ်ခဲ့တာဖြစ်ပြီး အုပ်ချုပ်ရေးအဖွဲ့ဝင် ဆယ်အိမ်မှူးနှစ်ဦး ကျည်ထိမှန်ခဲ့ကြောင်း ၎င်းဒေသခံများက ပြော သည်။

(စစ်​ကောင်စီတပ်ထောက်ခံသူ မစန္ဒီမြင့်အောင်နှင့် စစ်ကောင်စီခန့်အုပ်ချုပ်ရေးအဖွဲ့ဝင်အချို့အား တွေ့ရစဥ်)
(စစ်​ကောင်စီတပ်ထောက်ခံသူ မစန္ဒီမြင့်အောင်နှင့် စစ်ကောင်စီခန့်အုပ်ချုပ်ရေးအဖွဲ့ဝင်အချို့အား တွေ့ရစဥ်)

ပဲခူးမြို့ ကလျာဏီရပ်ကွက်မှ စစ်ကောင်စီခန့်အုပ်ချုပ်ရေးမှူးရုံးကို သေနတ်ဖြင့်ဝင်ရောက်ပစ်ခတ်မှု ယမန်နေ့ (ဇွန် ၁၆)ညပိုင်းက ဖြစ်ပွားခဲ့ကြောင်း ပဲခူးဒေသခံများက ပြောသည်။

ယမန်နေ့ည ၈ နာရီခန့်က ကလျာဏီရပ်ကွက်အုပ်ချုပ်ရေးမှူးရုံးအား အမည်မသိလူငယ်နှစ်ဦးက လာရောက်ပစ်ခတ်ခဲ့တာဖြစ်ပြီး အုပ်ချုပ်ရေးအဖွဲ့ဝင် ဆယ်အိမ်မှူးနှစ်ဦး ကျည်ထိမှန်ခဲ့ကြောင်း ၎င်းဒေသခံများက ပြော သည်။

“မနေ့ညကဖြစ်သွားတာ။ ဖြစ်ဖြစ်ချင်းတော့ စကစတွေရောက်လာတယ်။ ဖမ်းဆီးစစ်ဆေးရှိမရှိ နောက်ဆက်တွဲအခြေအနေမငိရသေးဘူး” ဟု ပဲခူးဒေသခံတစ်ဦးက ပြောသည်။

ရုံးအတွင်းဝင်ရောက်ပစ်ခတ်ခံရသည့် ကလျာဏီအုပ်ချုပ်ရေးမှူး ဦးမြင့်အောင်သည် စစ်​ကောင်စီတပ်ထောက်ခံသူနှင့် ကြံ့ခိုင်ရေးပါတီဝင် မစန္ဒီမြင့်အောင်၏ဖခင်ဖြစ်ပြီး ၎င်းတို့မိသားစုသည် စစ်ကောင်စီတပ်နှင့် ပလဲနံပသင့်သူများဖြစ်ကြောင်း ဒေသခံများက ပြောသည်။

Public Service Announcement

Public Service Announcement

မစန္ဒီမြင့်သည် စစ်​ကောင်စီတပ်​ထောက်ခံပွဲများနှင့် အမျိုးသား​ရေးဟုဆိုကာ ဆန္ဒပြပွဲတွင် အများဆုံးမြင်​တွေ့ရသူတစ်ဦးလည်း ဖြစ်သည်။

သေနတ်ဖြင့်ပစ်ခတ်ခံရမှုနှင့်ပတ်သက်ပြီး ၎င်း၏ဖခင်မှာ ရုံးအတွင်းရှိနေချိန်ဖြစ်၍ ထိမှန်ခံရခြင်းမရှိဘဲ ရုံးရှေ့တွင်ထိုင်နေသည့် ဆယ်အိမ်မှူးနှစ်ဦးသာ ကျည်ထိမှန်ခဲ့ပြီး ပဲခူးဆေးရုံသို့ ပို့ဆောင်ထားကြောင်း မစန္ဒီမြင့်အောင်က ၎င်း ၏လူမှုကွန်ရက်စာမျက်နှာတွင် ရေးသားထား သည်။

အထက်ပါ ကလျာဏီရပ်ကွက်အုပ်ချုပ်ရေးမှူးရုံးတိုက်ခိုက်မှုနှင့်စပ်လျဥ်းပြီး မည်သည့်အဖွဲ့အစည်းက လုပ်ဆောင်သည်ဆိုခြင်းကို သက်ဆိုင်ရာအဖွဲ့အစည်းက ယနေ့နံနက်ပိုင်းအထိ ထုတ်ပြန်ထားခြင်း မရှိသေးပေ။

စစ်ကောင်စီလက်ထက်အတွင်း ကလျာဏီရပ်ကွက်အုပ်ချုပ်ရေးမှူးရုံးသည် အနည်းဆုံးနှစ်ကြိမ်ဗုံးပစ်တိုက်ခိုက်ခံခဲ့ရသည်။

ဆက်စပ်သတင်းများ

သတင်း

ပြည်သူအချို့က စစ်ကောင်စီရဲ့ လုပ်နည်းလုပ်ဟန်အပေါ် မေးခွန်းထုတ်

သတင်း

တနိုင်ငံလုံးအပစ်ရပ်စာချုပ်(NCA)အပေး လူထုရဲ့ ယုံကြည်ကိုးစားမှု လျော့နည်းကျဆင်းခဲ့ကြောင်း နေပြည်တော်မှာ ကျင်းပတဲ့ NCA စာချုပ်ချုပ်ဆိုမှု ၁၁နှစ်မြောက်နှစ်ပတ်လည် အခမ်းအနားမှာ ရှမ်းပြည်ပြန်လည်ထူထောင်ရေးကောင်စီ(RCSS)ကိုယ်စားလှယ် ဗိုလ်မှူးကြီးစိုင်းငင်းက ပြောပါတယ်။

သတင်း

ထိုင်းနိုင်ငံရောက် မြန်မာလုပ်သားတွေအနေနဲ့ မိသားစုထံ ၃လစာငွေလွှဲပို့ထားသူတွေကို မည်သူမည်ဝါဖြစ်ကြောင်းသက်သေခံလက်မှတ် (CI) ထုတ်ပေးရေးစခန်း ၅ခုပြန်ဖွင့်ပြီး လုပ်ပေးသွားမယ်လို့ စစ်အုပ်စုကထုတ်ပြန်ပါတယ် ။

သတင်း

ရန်ကုန်မြို့မှာ စည်ကားကြောင်းပြသဖို့ စစ်ကောင်စီက စျေးပွဲတော်တွေ အဆက်မပြတ်စီစဉ်နေပြီး လူငယ်တွေကို စောင့်ကြည့်ဖို့ ညွှန်ကြားချက်ထုတ်ထားကြောင်း လူထုနွေဦးက စုံစမ်းသိရပါတယ်။

Facebook