Connect with us

Hi, what are you looking for?

သတင်း

အန္ဒိယနိုင်ငံသားနှစ်ဦးကိုPDF များကသတ်​ကြောင်းစစ်​ကောင်စီ​​ပြောကြားချက်မှားယွင်း၊ပျူ​ခေါင်း​ဆောင်​မောင်​လေးဝင်းကအမိန့်​ပေးပြီးဖိုးစိန်နှင့်ရဲ​ဇော်တို့ကပစ်သတ်​ကြောင်းတမူးPDF ထုတ်ပြန်

စစ်ကောင်စီလက်အောက်ခံ ပျူစောထီးများ ပစ်သတ်ခဲ့ခြင်းကို PDFလုပ်သယောင် မဟုတ်မမှန်ပြောကြားခြင်းသည် နှစ်နိုင်ငံ ပြည်သူများအကြား PDFအပေါ်အမြင်လွှဲမှားစေရန် စစ်​ကောင်စီကလုပ်ကြုံဖန်တီးခြင်းသာဖြစ်​ကြောင်း PDF(တမူး)ကတုံ့ပြန်သည်။

Tamu PDF
Tamu PDF

တမူးမြို့တွင် အိန္ဒိယနိုင်ငံသားနှစ်ဦးကို PDFက ပစ်သတ်ခဲ့သည်ဟု စစ်ကောင်စီပြန်ကြားရေး ဒုဝန်ကြီး ဗိုလ်ချုပ်ဇော်မင်းထွန်းက ပြောကြားချက်သည် မှားယွင်ပြီး အိန္ဒိယနိုင်ငံ
သားနှစ်ဦးကို တမူး ပျူစောထီးအဖွဲ့ခေါင်းဆောင်မောင်လေးဝင်းက အမိန့်ပေးပြီး ဖိုးစိန်နှင့်ရဲဇော်တို့က​သေနတ်ဖြင့်အနီးကပ် ပစ်သတ်ခဲ့ခြင်းဖြစ်​ကြောင်းတမူးမြို့နယ်ပြည်သူ့ကာကွယ်​ရေးတပ်ကအဂ်လိပ်ဘာသာဖြင့်ထုတ်ပြန်သည်။

စစ်ကောင်စီလက်အောက်ခံ ပျူစောထီးများ ပစ်သတ်ခဲ့ခြင်းကို PDFလုပ်သယောင် မဟုတ်မမှန်ပြောကြားခြင်းသည် နှစ်နိုင်ငံ ပြည်သူများအကြား PDFအပေါ်အမြင်လွှဲမှားစေရန် စစ်​ကောင်စီကလုပ်ကြုံဖန်တီးခြင်းသာဖြစ်​ကြောင်း PDF(တမူး)ကတုံ့ပြန်သည်။

အိန္ဒိယနိုင်ငံသားများဖြစ်သည့် အသက် ၃၅ နှစ်အရွယ် အိုင်ယာနားနှင့် အသက် ၂၈ နှစ် အရွယ် မိုဟန်တို့ကို တမူးမြို့တွင် ဇူလိုင် ၅ ရက် နေ့လယ်ပိုင်းက တမူးမြို့လယ်ရှိ ပျူ​စောထီးများရှိ​နေ​သောစစ်​ရေးဂိတ်တွင်ပျူ​စောထီးနှစ်ဦးကဦးခေါင်းကိုပစ်သတ်ခဲ့ခြင်းဖြစ်​ကြောင်း ဒေသခံများကပြောသည်။ ၎င်းတို့၏ ရုပ်အလောင်းများကိုစစ်​ကောင်စီတပ်ကပြန်မ​ပေးသဖြင့် ပြန်ပေးရန် အိန္ဒိယ-မြန်မာ နယ်စပ်မြို့ မိုးရေးမြို့တွင် ဇူလှိုင် ၆ ရက်က အင်အား ၂၀၀ ဖြင့် ဆန္ဒပြခဲ့သည်။

ထိုပစ်ခတ်မှုကို PDFများက ဆောင်ရွက်ခြင်းဖြစ်သည်ဟု အကြမ်းဖက်စစ်ကောင်စီမှဗိုလ်ချုပ်ဇော်မင်းထွန်းက ဇူလိုင် ၇ ရက်ကစစ်​ကောင်စီဝါဒဖြန့်မီဒီယာများတွင်​ပြောကြားလာခြင်းဖြစ်သည်။ ရုပ်အလောင်းများကိုလည်းဇူလိုင် ၆ ရက်မနက်ပိုင်းက မီးရှို့ သင်္ဂြိုလ်ပြီးဖြစ်​ကြောင်းလည်း​ဇော်မင်းထွန်းက​ပြောသည်။

Public Service Announcement

Public Service Announcement

“သူတို့လုပ်ထားလို့ အလောင်းဖျောက်တာ သိသာနေတာဘဲ။ သူတို့လုပ်ပြီး PDFကို လွှဲချနေတာ”ဟု တမူးမြို့ခံတစ်ဦးကပြောသည်။

ထိုသို့ အိန္ဒိယနိုင်ငံသားနှစ်ဦး သတ်ခံရခြင်းကြောင့် နှစ်နိုင်ငံ နယ်စပ် ကုန်သွယ်ရေးဂိတ်လည်း ပိတ်သွားပြီး မဏိပူရ်ပြည်နယ်၊ တင်နိုပယ်ခရိုင် အုပ်ချုပ်ရေးမှူးက မြန်မာဘက်ကို မလိုအပ်ဘဲ ခရီးမသွားရန် တားမြစ်ထားသည်။ ယခုအခါတမူးမြို့မှ စစ်ဘေးရှောင်များမှာလည်း အခက်အခဲဖြစ်နေပြီး နေအိမ်ပြင်ပသို့ မထွက်ရန် အချင်းချင်း သတိပေးနေရသည်ဟုလည်း ဒေသခံများကပြောသည်။

ဆက်စပ်သတင်းများ

နိုင်ငံတကာ

အိန္ဒိယနိုင်ငံ အရှေ့ဖက် ကမ်းရိုးတန်းကို ဆိုင်ကလုန်းမုန်တိုင်း ဝင်ရောက် တိုက်ခတ်မှုကြောင့် လူ ၆ ဦးထက်မနည်း သေဆုံးပြီး ဓာတ်အား ပြတ်တောက်မှုတွေနဲ့ တခြား ထိခိုက်မှုတွေ ဖြစ်ပေါ်ခဲ့ပါတယ်။

သတင်း

ပြည်သူအချို့က စစ်ကောင်စီရဲ့ လုပ်နည်းလုပ်ဟန်အပေါ် မေးခွန်းထုတ်

နိုင်ငံတကာ

ဆိုင်ကလုန်းမုန်တိုင်း ချဉ်းကပ်လာမှုကြောင့် အိန္ဒိယနိုင်ငံ အရှေ့ဖက် ကမ်းခြေမှာ လူပေါင်း သောင်းနဲ့ချီ အရေးပေါ် ရွှေ့ပြောင်းနေကြောင်း သိရပါတယ်။

နိုင်ငံတကာ

တရုတ်နဲ့ အိန္ဒိယ နယ်စပ်တလျှောက်မှာ နှစ်ဖက် လုံခြုံရေး တပ်ဖွဲ့တွေကြား ထိပ်တိုက်ရင်ဆိုင်တွေ့မှုတွေ ဆက်ဖြစ်နေတယ်လို့ အိန္ဒိယ နယ်စပ် ရဲတပ်ဖွဲ့က အတည်ပြုခဲ့ပါတယ်။