'/%3E%3C/svg%3E){kind=small}
ကချင်ပြည်နယ် မြစ်ကြီးနားမြို့နယ် အောင်မြင်သာကျေးရွာရှိ စစ်ကောင်စီ၏ ရဲကင်းစခန်းဂိတ် မီးရှို့ခံရပြီး ပြာကျသွားကြောင်း ဒေသခံတစ်ဦးက ပြောသည်။
“မနေ့ညက ၉နာရီနဲ့ ၁၀နာရီကြားမှာ။ သူတို့ဂိတ်နဲ့ဆိုင်စျေးတန်းနဲ့က အတူတူ လုပ်ထားတယ်ဆို တော့ အကုန်လုံးပြောင်သွားတာပေါ့”ဟု ဒေသခံက ပြောသည်။
အဆိုပါ ရဲကင်းစခန်းဂိတ်တွင် စစ်ကောင်စီတပ်ဖွဲ့ဝင်များမရှိသည်မှာ ကြာပြီဖြစ်ကြောင်း တစ်ခါတရံတွင် အရပ်ဝတ်ဖြင့်လာရောက်မှုရှိကြောင်း ၎င်းက ဆိုသည်။
“အောင်မြင်သာရွာအဝင်။ ဆွမ်ပရာဘွမ် – ပူတာအိုသွားလမ်းပေါ့။ မြစ်ကြီးနားနဲ့ မိုင် ၂၀ ဝေးတဲ့ အောင်မြင်သာ ရွာအဝင်ကရဲကင်းပေါ့။ ပစ်ခတ်မှုတွေတော့ မရှိဘူး။ အဲဒီမှာ ဂိတ်မထိုင်တာကြာပြီ” ဟု ဒေသခံက ပြောသည်။
Public Service Announcement
ကချင်ဒေသ ခြေစိုက် မြစ်ကြီးနား သတင်းဂျာနယ်၏ ဖော်ပြချက်အရ အဆိုပါဂိတ်ကို မြို့ပြ ပြောက်ကျားအဖွဲ့က မီးရှို့ ဖျက်ဆီးခဲ့ခြင်းဖြစ်ကြောင်း ဖော်ပြထားသည်။ စစ်ကောင်စီတပ်သားနှင့် ရဲများက ဖြတ်သွားဖြတ်လာ ကုန်ကားများထံမှ ငွေးကြေးတောင်းခံမှု ပြုလုပ်လေ့ရှိကြောင်း သတင်းရင်း မြစ်တစ်ဦး၏ ပြောကြားချက်ကိုလည်း ဖော်ပြထားသည်။
လက်ရှိတွင် ကချင်ပြည်နယ်တွင် ကချင်လွတ်လပ်ရေးတပ်မတော်(KIA)နှင့် စစ်ကောင်စီ တပ်အကြား ဖားကန့်၊ ဝိုင်းမော်၊ တနိုင်းဒေသများ၌ တိုက်ပွဲများ ပြင်းထန်နေသည်။
