တောင်ငူမြို့ အမြန်လမ်းအနောက်ဘက် ကျေးရွာများသို့ စစ်ကြောင်းထိုးလာသော စစ်ကောင်စီတပ်ကို တောင်ငူခရိုင် PDF တပ်ရင်း (၃၅၀၁) တပ်ခွဲ (၁)မှ ယမန်နေ့ (ဇူလိုင် ၂၄)ညနေပိုင်းတွင်ပစ်ခတ်တိုက်ခိုက်ခဲ့ကြောင်းထုတ်ပြန်သည်။
ပြည်သူ့ခုခံတွန်းလှန်စစ်၏အစိတ်အပိုင်းတစ်ခုအဖြစ်ဇူလိုင် ၂၄ ညနေ ၄ နာရီ ၄၀ ခန့်က အမြန်လမ်းအနောက်ဘက်မြပင်ကူးရွာနှင့် သရက်ပင်ကုန်းရွာကြား စစ်ကြောင်းထိုးလာသည့် အင်အား ၄၀ ခန့်ပါ စစ်ကောင်စီတပ်စစ် ကြောင်းအား ကင်းရှည် ကင်းပုန်းမှ ရှော့တိုက်ပြောင်း၊ လက်နက်ငယ်များနှင့် ပစ်ခတ်ပြီး လက်ဦးမှုရယူခဲ့သည်ဟုဖော်ပြထားသည်။
ထိုနောက် တော်လှန်ရေးရဲဘော်များ အထိအခိုက်မရှိ ပြန်လည်ဆုတ်နိုင်ခဲ့ပြီး ကနဦးသတင်းအရ ရန်သူဘက်မှ ငါးဦးခန့်သေဆုံးကာ လေးဦးခန့် ဒဏ်ရာရရှိကြောင်း ပါရှိသည်။ စစ်ကောင်စီတပ်သေဆုံးဒဏ်ရာရမှုများနှင့်ပတ်သပ်၍ People’s Spring ကသီးခြားအတည်မပြုနိုင်ပါ။
အမြန်လမ်းအနောက်ဘက်သို့ စစ်ကြောင်းထိုးလာသောစစ်ကောင်စီတပ်ကို PDF များကတိုက်ခိုက်ကြောင်း ဒေသခံအချို့ကလည်း ပြောသည်၊တောင်ငူခရိုင်ပြည်သူ့ကာကွယ်ရေးတပ်မတော်အနေဖြင့်
ပြည်သူ့ဘက်မရပ်တည်သည့် အာဏာရှင်မှိုင်းမိနေသောမည်သည့်အဖွဲ့အစည်းမဆို အရေးယူဆောင်ရွက်သွားမည်ဖြစ်ကြောင်း အသိပေးထားသည်။
Public Service Announcement
