ဦးဂျင်မီ၊ဦးဖြိုးဇေယျာသော်၊ ဦးလှမျိုးအောင် နှင့် ဦးအောင်သူရဇော်တို့လေးဦး တို့အား အကြမ်းဖက် စစ်ကောင်စီမှ သေဒဏ်ပေးကွပ်မျက်ခဲ့သည့် လူမဆန်သည့်လုပ်ရပ်များအပေါ် ချင်းပြည်ပူး တွဲကာကွယ်ရေးကော်မတီ (Chinland Joint Defense Committee)က ပြင်းထန်စွာ ရှုံ့ချကြောင်း ထုတ်ပြန်သည်။
အာဏာလု အကြမ်းဖက်စစ်ကောင်စီအား အမြစ်ပြတ်သည်အထိ တော်လှန်တိုက်ပွဲဝင်သွားမည်ဟုလည်း CJDCက သဘောထားထုတ်ပြန်ခဲ့သည်။
အကြမ်းဖက်စစ်ကောင်စီသည် နိုင်ငံတော်အာဏာကို မတရားသိမ်းယူပြီး နောက်ပိုင်းမှစ၍ မိမိတို့ ချင်းပြည်ထောင်အတွင်း စစ်ရာဇဝတ်မှုနှင့် လူသားမျိုးနွယ်အပေါ်ကျူးလွန်သည့် ရာဇဝတ်မှုများကို အကြိမ်ကြိမ်ကျူးလွန် ခဲ့ကြောင်း ဖော်ပြထားသည်။
CJDCသည် ချင်းပြည်ထောင်အတွင်းရှိ ချင်းအမျိုးသားတပ်ဦး(CNF/CNA) အပါအဝင် မြို့နယ် ၊ဒေသအလိုက်ဖွဲ့စည်းထားသော ကာကွယ်ရေးတပ်ဖွဲ့ဝင် ပေါင်း(၁၈)ဖွဲ့ဖြင့် ဖွဲ့စည်းထားသော ကော်မတီဖြစ်ပြီးအဖွဲ့အစည်းသည် နိုင်ငံတကာဥပဒေများကို တစိုက်မတ်မတ် လိုက်နာကျင့်သုံး ခဲ့သောအဖွဲ့အစည်း ဖြစ်ကြောင်း ထုတ်ပြန် သည်။
Public Service Announcement
CJDC အဖွဲ့ဝင် ချင်းလက်နက်ကိုင်တပ်များသည် ချင်းပြည်အတွင်း စစ်ကောင်စီ တပ်ကို တိုက်ခိုက်ရာ၌ ပူးပေါင်းဆောင်ရွက်လျက်ရှိရာ ယခုဇူလိုင်လအတွင်း ဖလမ်း – ဟားခါးလမ်းနှင့် မတူပီမြို့နယ်တို့တွင် တိုက်ပွဲများ ပြင်းထန်ခဲ့သည်။
