Connect with us

Hi, what are you looking for?

သတင်း

မိသားစုကိုအသိမပေးဘဲထောင်ပြောင်းတဲ့စစ်ကောင်စီလုပ်ရပ်ကြောင့် ထောင်ဝင်စာပို့သူတွေအခက်ကြုံနေ

အင်းစိန်ထောင် ထောင်ဝင်စာ ပါဆယ်ပို့တဲ့နေရာ မှာ ထောင်ပြောင်းရွှေ့ခံလိုက်ရတဲ့ နိုင်ငံရေးအကျဉ်းသူ၊အကျဉ်းသားတွေရဲ့ အမည်စာရင်းကို အကျဉ်ထောင်အာဏာပိုင်တွေက ကပ်ပေးထားတယ်လို့ထောင်ဝင်စာသွားပို့ခဲ့သူ တစ်ဦးက People’s Springကိုပြောပြပါတယ်။

(ပုံဟောင်း)
(ပုံဟောင်း)

အင်းစိန်ထောင်က နိုင်ငံရေးအကျဉ်းသားတွေကို မိသားစုကိုအသိမပေးဘဲ တိတ်တဆိတ် ထောင်ပြောင်းရွှေ့လိုက်တဲ့စစ်ကောင်စီရဲ့လုပ်ရပ်ကြောင့် ထောင်ဝင်စာ ပါဆယ်လာပို့တဲ့မိသားစုဝင်တွေအခက်အခဲကြုံနေရတယ်လို့သိရပါတယ်။

သြဂုတ်လ ၇ ရက်က စစ်ကောင်စီဟာ အင်းစိန်ထောင်က နိုင်ငံရေးအကျဉ်းသား ၁၃၀ ခန့်ကို သာယာဝတီထောင်ဆီကိုပြောင်းရွှေ့လိုက်တာပါ။

ဒါပေမယ့် နိုင်ငံရေးအကျဉ်းသားတွေရဲ့ မိသားစုဝင်တွေဆီအကြောင်းကြားအသိပေးတာမရှိတဲ့အတွက် မိသားစုက ထောင်ကို ထောင်ဝင်စာ ပါဆယ်လာပို့တဲ့အခါကျမှ သက်ဆိုင်ရာ နိုင်ငံရေးအကျဉ်းသား အင်းစိန်ထောင်မှာ မရှိတော့တာကိုသိခဲ့ကြရတာဖြစ်ပါတယ်။

အင်းစိန်ထောင် ထောင်ဝင်စာ ပါဆယ်ပို့တဲ့နေရာ မှာ ထောင်ပြောင်းရွှေ့ခံလိုက်ရတဲ့ နိုင်ငံရေးအကျဉ်းသူ၊အကျဉ်းသားတွေရဲ့ အမည်စာရင်းကို အကျဉ်ထောင်အာဏာပိုင်တွေက ကပ်ပေးထားတယ်လို့ထောင်ဝင်စာသွားပို့ခဲ့သူ တစ်ဦးက People’s Springကိုပြောပြပါတယ်။

Public Service Announcement

Public Service Announcement

“မိသားစုက စားစရာ ၊လိုတဲ့ဆေးဝါးတွေပါဆယ်လာပို့ကြတယ် ၊ ပါဆယ်စာရင်းလည်းပေးရော အင်းစိန်မှာမရှိတော့တာကိုသိသွားတဲ့သူတွေ အများကြီးပဲ ၊ လှည့်ပြန်သွားကြရတယ် ” လို့ ထောင်ဝင်စာသွားပို့ခဲ့သူတစ်ဦးက ကြုံခဲ့ရတာကိုပြောပြပါတယ်။

ဒီလိုလှည့်ပြန်သွားကြရသူတွေထဲမှာ နယ်ကနေ လာရောက်ပြီး ထောင်ဝင်စာလာပို့ကြတဲ့သူတွေလည်း ရှိနေကြပါတယ်။

သြဂုတ်လ ၇ ရက်က သာယာဝတီထောင်ကိုပြောင်းလိုက်တဲ့ နိုင်ငံရေးအကျဉ်းသား ၁၃၀ ခန့်ထဲမှာအမျိုးသမီး ဦးရေ ၃၀ ဝန်းကျင်ခန့်ပါဝင်တယ်လို့ အကျဉ်းထောင်အသိုင်းအဝိုင်းနဲ့နီးစပ်သူတွေထံကသိရပါတယ်။

နိုင်ငံရေးအကျဉ်းသားတွေကိုအင်းစိန်ထောင်ကနေ နယ်ထောင်တွေဆီရွှေ့ပြောင်းလိုက်တာဟာ ထောင်တွင်းလှုပ်ရှားမှုတွေကို ထိန်းချုပ်နိုင်ဖို့ကြံစည်တဲ့လုပ်ရပ်ဖြစ်တယ်လို့ တော်လှန်ရေးအင်အားစုတွေကသုံးသပ်ထားကြပါတယ်။

ဒါအပြင်သက်ဆိုင်ရာမိသားစုတွေကို အကြောင်းမကြားဘဲ ရုတ်တရက် ထောင်ပြောင်းရွှေ့တာဟာ နိုင်ငံရေးအကျဉ်းသားတွေနဲ့ မိသားစုဝင်တွေရဲ့စိတ်ဓာတ်ပျက်ပြားစေဖို့ ရည်ရွယ်တဲ့ မတရားဖိနှိပ်မှုတွေထဲက လုပ်ရပ်တစ်ခုဖြစ်တယ်လို့သတ်မှတ်ထားကြပါတယ်။

ဆက်စပ်သတင်းများ

သတင်း

ပြည်သူအချို့က စစ်ကောင်စီရဲ့ လုပ်နည်းလုပ်ဟန်အပေါ် မေးခွန်းထုတ်

သတင်း

တနိုင်ငံလုံးအပစ်ရပ်စာချုပ်(NCA)အပေး လူထုရဲ့ ယုံကြည်ကိုးစားမှု လျော့နည်းကျဆင်းခဲ့ကြောင်း နေပြည်တော်မှာ ကျင်းပတဲ့ NCA စာချုပ်ချုပ်ဆိုမှု ၁၁နှစ်မြောက်နှစ်ပတ်လည် အခမ်းအနားမှာ ရှမ်းပြည်ပြန်လည်ထူထောင်ရေးကောင်စီ(RCSS)ကိုယ်စားလှယ် ဗိုလ်မှူးကြီးစိုင်းငင်းက ပြောပါတယ်။

သတင်း

ထိုင်းနိုင်ငံရောက် မြန်မာလုပ်သားတွေအနေနဲ့ မိသားစုထံ ၃လစာငွေလွှဲပို့ထားသူတွေကို မည်သူမည်ဝါဖြစ်ကြောင်းသက်သေခံလက်မှတ် (CI) ထုတ်ပေးရေးစခန်း ၅ခုပြန်ဖွင့်ပြီး လုပ်ပေးသွားမယ်လို့ စစ်အုပ်စုကထုတ်ပြန်ပါတယ် ။

သတင်း

ရန်ကုန်မြို့မှာ စည်ကားကြောင်းပြသဖို့ စစ်ကောင်စီက စျေးပွဲတော်တွေ အဆက်မပြတ်စီစဉ်နေပြီး လူငယ်တွေကို စောင့်ကြည့်ဖို့ ညွှန်ကြားချက်ထုတ်ထားကြောင်း လူထုနွေဦးက စုံစမ်းသိရပါတယ်။