ရန်ကုန်တိုင်း သန်လျင်မြို့နယ်ရှိ စစ်ကောင်စီထောက်တိုင် ပျူစောထီးအဖွဲ့ဝင် စစ်တပ်သတင်းပေးတစ်ဦးကို ပစ်ခတ်ရှင်းလင်းလိုက်ကြောင်း Soul Takers- Yangon Underground Force က ယနေ့(သြဂုတ် ၂၁) အသိပေးထုတ်ပြန်သည်။
သန်လျင်မြို့နယ် လက်ယက်စမ်းကျေးရွာအုပ်စု၊ ပျဥ်ထောင်ကျောင်းရပ်ကွက်၊ ဂေသာရှင်မန်းဥယျာဉ်လမ်း အတွင်းနေထိုင်သော အများအခေါ် သူကြီး ဆိုသူအား ယနေ့ညနေ ၄ နာရီခွဲခန့်က ပစ်ခတ်ရှင်းလင်းရေးလုပ် ဆောင်ခဲ့ကြောင်း ဖော်ပြသည်။
၎င်းသည် တော်လှန်ရေးအင်အားစုများ၊ အနီးပတ်ဝန်းကျင်ရှိ UG အဖွဲ့များအား စုံစမ်းကာ စစ်ကောင်စီသို့ သတင်းပေးခြင်း၊ ကိုယ်တိုင် လိုက်လံညွှန်ပြ ဖမ်းဆီးစေခြင်း ဝင်ရောက်စီးနင်းမှုများအား ကူညီပေးခြင်းများ လုပ်ဆောင်ခဲ့သူဖြစ်ကြောင်း ထောက်ပြသည်။
အလားတူ သူကြီးဆိုသူသည် စစ်ကောင်စီတပ်သတင်း ပေးတစ်ဦးအဖြစ်ရပ်တည်ယုံမျှမက စစ်ကောင်စီလက် ကိုင်တုတ် ပျူစောထီးအဖွဲ့ဝင်တစ်ဦးလည်းဖြစ်ကြောင်း Soul Takers- Yangon Underground Force က အတည်ပြုသည်။
Public Service Announcement
“ဆိုင်ကယ်ကယ်ရီမောင်းရင်း ပြည့်တန်ဆာခေါင်း အဖြစ်လုပ်ကိုင်နေရင်း အကြမ်းဖက်စစ်တပ်၏ အားထားရသော သတင်းပေးအနေဖြင့် လုပ်ဆောင်နေကြောင်း ပြည်သူများက သတင်းပေးသည်ကို ကျနော်တို့မှ သေချာစုံစမ်းစစ်ဆေး၍ ရှင်းလင်းခဲ့ခြင်းဖြစ်သည်”ဟု Soul Takers အဖွဲ့က ဆိုသည်။
အထက်ပါစစ်ကောင်စီထောက်တိုင် ပျူစောထီးအဖွဲ့ဝင်တစ်ဦးအား ပစ်ခတ်ရှင်းလေးရေးလုပ်ဆောင်ခဲ့သည့် Soul Takers မှ တော်လှန်ရေးရဲဘော်များ လုံခြုံရာသို့ ရောက်ရှိပြီဖြစ်ပြီး ဆက်လက်၍လည်း စစ်ကောင်စီခန့် အုပ်ချုပ်ရေးမှူး၊ ရာအိမ်မှူးနှင့် ပျူစောထီးဆိုသူများကို ရှင်းလင်းသုတ်သင်သွားမည်ဟု ထုတ်ပြန်ထားသည်။
