Connect with us

Hi, what are you looking for?

သတင်း

ခြံအမှတ် ၅၄ အမွေအမှု ဦးအောင်ဆန်းဦးကို စစ်ကောင်စီတရားရုံးအနိုင်ပေး

၂၀၁၁ ခုနှစ်ကတည်းက အငြင်းပွားလာတဲ့ အိမ်အမွေ အမှုကို ၂၀၁၆ ခုနှစ်မှာတော့ရန်ကုန်အနောက်ပိုင်းခရိုင်တရားရုံးက အပြီးသတ်အမိန့်ချထားပြီးပါပြီ။

ဓာတ်ပုံ - ရိုက်တာ၊အေပီ
ဓာတ်ပုံ - ရိုက်တာ၊အေပီ

အိမ်နဲ့ခြံကို လေလံပစ်ပြီး တဝက်စီခွဲယူဖို့ ဦးအောင်ဆန်းဦး ဆန္ဒရှိနေ

နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နဲ့ အကိုဖြစ်သူ ဦးအောင်ဆန်းဦးတို့ကြားအငြင်းပွားနေတဲ့ ရန်ကုန်တက္ကသိုလ်ရိပ်သာလမ်းက ခြံအမှတ် ၅၄ အမွေအမှုမှာ စစ်ကောင်စီတရားရုံးက ဦးအောင်ဆန်းဦး တောင်းဆိုချက်အတိုင်း ခွင့်ပြုဖို့ ဆုံးဖြတ်လိုက်ကြောင်းသိရပါတယ်။

အဲဒီတရားရုံးနဲ့နီးစပ်သူတစ်ဦးက “ဦးအောင်ဆန်းဦးရဲ့ တောင်းဆိုချက်ကို တရားရုံးကခွင့်ပြုလိုက်တယ်” လို့ ပြောပါတယ်။

၂၀၁၁ ခုနှစ်ကတည်းက အငြင်းပွားလာတဲ့ အိမ်အမွေ အမှုကို ၂၀၁၆ ခုနှစ်မှာတော့ရန်ကုန်အနောက်ပိုင်းခရိုင်တရားရုံးက အပြီးသတ်အမိန့်ချထားပြီးပါပြီ။

ဓာတ်ပုံ - ရိုက်တာ၊အေပီ
ဓာတ်ပုံ – ရိုက်တာ၊အေပီ

တရားရုံးရဲ့ အမိန့်မှာ မြေအကျယ်အဝန်း ၂ ဧက နီးပါးရှိတဲ့ ဒေါ်ခင်ကြည်အမည်ပေါက် တက္ကသိုလ်ရိပ်သာလမ်း ခြံအမှတ် ၅၄ က ၂ထပ်အိမ်နဲ့ မြေတဝက်ကို ဒေါ်အောင်ဆန်းစုကြည် က ယူပြီး ၁ ထပ်တိုက်နဲ့ မြေတဝက်ကို ဦးအောင်ဆန်းဦး ယူဖို့ ပါရှိတာပါ။

Public Service Announcement

Public Service Announcement

ဒီအမိန့် ကို ဦးအောင်ဆန်းဦးက ကျေနပ်မှု မရှိဘဲ အိမ်နဲ့ခြံကို လေလံပစ်ကာ တဝက်စီ ခွဲယူဖို့ ဆန္ဒရှိကြောင်းအဲဒီအချိန်က မီဒီယာတွေကိုပြောခဲ့ဖူးပါတယ်။

ဒါကြောင့် ဦးအောင်ဆန်းဦးက အယူခံအဆင့်ဆင့် တက်ခဲ့ပေမယ့် အထက်ရုံးတွေဟာ အောက်ရုံးက ဆုံးဖြတ်ချက်အတိုင်းအတည်ပြု ပြီး အယူခံကို ပယ်ချခဲ့ပါတယ်။

စစ်တပ်အာဏာသိမ်းပြီးနောက်မှာ ဦးအောင်ဆန်းဦးဟာ ပြည်ထောင်စုတရားလွှတ်တော်ချုပ်ကို အယူခံတက်လာပြီး အဲဒီတရားရုံးကလည်းအမှုကိုလက်ခံကြားနာဖို့ဆုံးဖြတ်ခဲ့ပါတယ်။

အဲဒီနောက် ဒီနေ့မှာတော့ ဦးအောင်ဆန်းဦး အယူခံတောင်းဆိုချက်အတိုင်းအမှုကို အမိန့်ချလိုက်တာလည်းဖြစ်ပါတယ်။

ဒီအမွေအမှုကို စစ်ကောင်စီ တရားရုံးက ဆုံးဖြတ်အမိန့်ချတဲ့အချိန်ဟာ ဒေါ်အောင်ဆန်းစုကြည်ကို ဖမ်းဆီးပြီး ပုဒ်မမျိုးစုံတပ်ကာ နေပြည်တော်အချုပ်ထောင်မှာအကျဉ်ချထားတဲ့ကာလလည်းဖြစ်ပါတယ်။

ဆက်စပ်သတင်းများ

သတင်း

ပြည်သူအချို့က စစ်ကောင်စီရဲ့ လုပ်နည်းလုပ်ဟန်အပေါ် မေးခွန်းထုတ်

သတင်း

တနိုင်ငံလုံးအပစ်ရပ်စာချုပ်(NCA)အပေး လူထုရဲ့ ယုံကြည်ကိုးစားမှု လျော့နည်းကျဆင်းခဲ့ကြောင်း နေပြည်တော်မှာ ကျင်းပတဲ့ NCA စာချုပ်ချုပ်ဆိုမှု ၁၁နှစ်မြောက်နှစ်ပတ်လည် အခမ်းအနားမှာ ရှမ်းပြည်ပြန်လည်ထူထောင်ရေးကောင်စီ(RCSS)ကိုယ်စားလှယ် ဗိုလ်မှူးကြီးစိုင်းငင်းက ပြောပါတယ်။

သတင်း

ထိုင်းနိုင်ငံရောက် မြန်မာလုပ်သားတွေအနေနဲ့ မိသားစုထံ ၃လစာငွေလွှဲပို့ထားသူတွေကို မည်သူမည်ဝါဖြစ်ကြောင်းသက်သေခံလက်မှတ် (CI) ထုတ်ပေးရေးစခန်း ၅ခုပြန်ဖွင့်ပြီး လုပ်ပေးသွားမယ်လို့ စစ်အုပ်စုကထုတ်ပြန်ပါတယ် ။

သတင်း

ရန်ကုန်မြို့မှာ စည်ကားကြောင်းပြသဖို့ စစ်ကောင်စီက စျေးပွဲတော်တွေ အဆက်မပြတ်စီစဉ်နေပြီး လူငယ်တွေကို စောင့်ကြည့်ဖို့ ညွှန်ကြားချက်ထုတ်ထားကြောင်း လူထုနွေဦးက စုံစမ်းသိရပါတယ်။