ထင်းခုတ်လာသည့် စစ်ကောင်စီတပ်သားကို တိုက်ခိုက်ရာ သုံးဦးသေဟု KNDF ပြော

ဝါးဆင်းခုတ်သည့် စစ်ကောင်စီတပ်သားများအား အလစ်အငိုက်တိုက်ခိုက်ရာ သုံးဦးသေဆုံးပြီး MA-3 အမျိုးအစား သေနတ် (၁)လက်နှင့် ကျည်အချို့အားသိမ်းဆည်းရမိကြောင်း ကရင်နီအမျိုးသားများကာကွယ်ရေးတပ်(KNDF)က ထုတ်ပြန်သည်။

ယနေ့(စက်တင်ဘာလ ၇ ရက်) နံနက် ၇ နာရီ မိနစ် ၅၀ ခန့်တွင် ဘောလခဲမြို့ နှင့် ရွာသစ်မြို့အကြား လမ်းမကြီးပေါ်ရှိ အကြမ်းဖက်စစ်ကောင်စီ၏ (၁၂)မိုင်ကုန်းစခန်းအနီးတွင် KNDF B – 21နှင့် ကရင်နီတပ်မတော်(KA)တို့ပူးပေါင်း၍ တိုက်ခိုက် ခဲ့ ခြင်းဖြစ်သည်။

စစ်ကောင်စီ၏ (၁၂)မိုင်ကုန်းစခန်းအနီးရှိ (၁၁)မိုင်ကုန်းဖက်သို့ အရပ်ဝတ်များဖြင့် ဝါးခုတ်ရန် ထွက်လာသော စစ်ကောင်စီတပ်သား ခုနစ်ဦးကို အလစ်အငိုက် တိုက်ခိုက်ခဲ့ခြင်းကြောင့် စစ်ကောင်စီဖက်မှ သုံးဦးသေဆုံးကာ နှစ်ဦးပြင်းထန်ထိခိုက်ဒဏ်ရာရရှိသည်ဟု ဆိုသည်။

ထို့အပြင် စစ်ကောင်စီတပ်သားများ ကိုင်ဆောင် လာသည့် MA-3 အမျိုးအစား သေနတ် (၁)လက်နှင့် ကျည်အချို့အား သိမ်းဆည်းရမိကြောင်း ဖော်ပြသည်။

Public Service Announcement

အဆိုပါ ထိတွေ့မှုအပြီးတွင် ဘောလခဲမြို့အခြေ စိုက် စစ်ကောင်စီတပ်များဖက်မှ ၎င်းတို့အထိ နာ၍ လက်နက်ကြီးများဖြင့် ရမ်းသမ်းပစ်ခတ်ခဲ့သော်လည်း ပူးပေါင်းတပ်များ အထိခိုက်မရှိ ပြန်လည်ဆုတ်ခွာနိုင်ခဲ့ကြောင်း အသိပေးသည်။