စစ်ကောင်စီသတင်းပေးတစ်ဦး ထိန်းသိမ်းထားစဥ် ရောဂါဖြင့်သေဆုံးသွား၍ မိသားစုဝင်များနှင့်ပူးပေါင်း ညှိနှိုင်းသွားမည်ဟု CDF-ပလက်ဝ ထုတ်ပြန်

စစ်ကောင်စီထံ သတင်းပေးတစ်ဦးကို ထိန်းသိမ်းထားစဥ် ရောဂါအခံကြောင့် သေဆုံးသွားသည့်ဖြစ်ရပ်နှင့်ပတ်သက်၍ မိသားစုဝင်များနှင့်ပူးပေါင်း ညှိနှိုင်းသွားမည်ဟု ချင်းပြည်သူ့ကာကွယ်ရေးတပ် CDF-ပလက်ဝက သတင်းထုတ်ပြန်သည်။

ပလက်ဝမြို့နယ် ဝါဒိန်အုပ်စု၊ ဝါဒိန်ကျေးရွာမှ စစ်ကောင်စီသတင်းပေး ဦးအာခိုင် အသက်(၆၅)နှစ်သည် CDF-ပလက်ဝက ထိန်းသိမ်းထားစဥ် သြဂုတ် ၁၉ရက်က သေဆုံးသွားခဲ့ခြင်းဖြစ်သည်။

ဦးအာခိုင်သည် အမောဆို့ရောဂါအခံကြောင့် သေဆုံးသွားခြင်းဖြစ်ပြီး ယင်းဖြစ်ရပ်အတွက် မိသားစုဝင်များနှင့် ပူးပေါင်း ညှိနှိုင်းဆောင်ရွက်သွားမည်ဟု CDF-ပလက်ဝ ဗဟိုအလုပ်အမှု ဆောင်ကော်မတီက ယနေ့(စက်တင်ဘာလ ၈ရက်) ထုတ်ပြန်ထားသည်။

ဦးအာခိုင်သည် CDF-ပလက်ဝ၏ လှုပ်ရှားမှုများအား စစ်ကောင်စီထံ သတင်းပေးပို့နေ၍ ၂၀၂၁ ဇွန်လအတွင်း ပထမအကြိမ်၊ ၂၀၂၂ ဇန်နဝါရီအတွင်း ဒုတိယအကြိမ်သတိပေးခဲ့သော်လည်းစစ်ကောင်စီထံ သတင်းပေးမှုများ ဆက်လက်ပြုလုပ်နေခဲ့သည်ဟု ဆိုသည်။ ဇူလိုင် ၁၃ရက်တွင်CDF-ပလက်ဝက ထိန်းသိမ်းခဲ့​​ထားစဥ် ဇူလိုင် ၁၆ရက်ညတွင် ထွက်ပြေးသွားခဲ့ကြောင်း၊ ဇူလိုင် ၁၇ရက်တွင် ပြန်လည်ထိန်းသိမ်းခဲ့ပြီး ကျန်းမာရေးစောင့်ရှောက်မှုအပြည့်ပေးခဲ့သော်လည်း ဇူလိုင် ၁၉ရက်နံနက်တွင် သေဆုံးသွားခဲ့သည်ဟု CDF-ပလက်ဝက ရှင်းပြထားသည်။

Public Service Announcement

ဦးအာခိုင်၏ မိသားစုဝင်များထံ ဆက်သွယ်ရန်ကြိုးစားခဲ့သော်လည်း ပလက်ဝမြို့နယ်တွင် စစ်ကောင်စီတပ်က ဖုန်းလိုင်းများ ဖြတ်တောက်ထား၍ ဆက်သွယ်မရခဲ့ပေ။