Connect with us

Hi, what are you looking for?

သတင်း

ပခုက္ကူနယ်တွင် စစ်ကောင်စီ၏ အုပ်ချုပ်ရေးလုပ်ငန်းများဆောင်ရွက်ပေးနေသည့် အမျိုးသမီးကို ဒေသကာကွယ်ရေးအဖွဲ့ သွားရောက်သတိပေး

စက်တင်ဘာ ၂၁ ရက်က ပခုက္ကူမြိုနယ်၊ပန်းတိုင်းခြုံ ကျေးရွာအုပ်စု၊ ပန်းတိုင်းခြုံရွာရှိ အုပ်ချုပ်ရေးမှူးကိုယ်စား ဆောင်ရွက်ပေးနေသော ဒေါ်မြင့်ခင်အား ဝင်ရောက်ထိန်းသိမ်းခဲ့သည်။

အုပ်ချုပ်ရေးမှူးကိုယ်စား စစ်ကောင်စီ၏ အုပ်ချုပ်ရေးယန္တရားလည်ပတ်စေရန် ဆောက်ရွက်ပေးနေသည့် အမျိုးသမီးအား တွေ့ရစဥ်။ဓာတ်ပုံ-Young Force-UG
အုပ်ချုပ်ရေးမှူးကိုယ်စား စစ်ကောင်စီ၏ အုပ်ချုပ်ရေးယန္တရားလည်ပတ်စေရန် ဆောက်ရွက်ပေးနေသည့် အမျိုးသမီးအား တွေ့ရစဥ်။ဓာတ်ပုံ-Young Force-UG

မကွေးတိုင်း၊ ပခုက္ကူမြို့နယ် ပန်းတိုင်းခြုံကျေးရွာရှိ အုပ်ချုပ်ရေးမှူးကိုယ်စား စစ်ကောင်စီယန္တရားများလည်ပတ်ရန် ဆောင်ရွက်ပေးနေသော အမျိုးသမီးတစ်ဦးအား သွားရောက်သတိပေးခဲ့ကြောင်း ဒေသတွင်း Young Force-UG အဖွဲ့က သတင်းထုတ်ပြန်သည်။

စက်တင်ဘာ ၂၁ ရက်က ပခုက္ကူမြိုနယ်၊ပန်းတိုင်းခြုံ ကျေးရွာအုပ်စု၊ ပန်းတိုင်းခြုံရွာရှိ အုပ်ချုပ်ရေးမှူးကိုယ်စား ဆောင်ရွက်ပေးနေသော ဒေါ်မြင့်ခင်အား ဝင်ရောက်ထိန်းသိမ်းခဲ့သည်။

၎င်းသည် အရှေ့ဘုန်းကန်၊မြောက်လူးကန်နှင့် ပန်တိုင်းခြုံ ကျေးရွာသုံးရွာအတွက် အုပ်ချုပ်ရေးမှူးကိုယ်စား စစ်ကောင်စီ၏ယန္တရား လည်ပတ်စေရန်၊ထောက်ခံစာများ၊ ဧည့်စာရင်းများပြုလုပ်ပေးခြင်း၊ ကိုယ်စား ငွေတောင်းခံခြင်းများပြုလုပ်ပေးနေသူဖြစ်ကြောင်း၊ ၎င်းအား ထိုလုပ်ငန်းများ ဆက်လက်မပြုလုပ်ရန် ပထမဆုံးနှင့်နောက်ဆုံးအကြိမ်အဖြစ် သတိပေးတားမြစ်ခဲ့ကြောင်း Young Force-UG အဖွဲ့၏ ထုတ်ပြန်ချက်တွင် ဖော်ပြသည်။

အဆိုပါအမျိုးသမီးထံမှ ရုံးလုပ်ငန်းများနှင့်ဆိုင်သော စာရွက်စာတမ်းများအား သိမ်းဆည်းကာ ဆက်လက်စုံစမ်းရန် အတွက် ဖုန်း(၁)လုံးကိုလည်း သိမ်းဆည်းခဲ့ကြောင်း၊ အချက်အလက်များ စိစစ်ပြီးချိန် ပြန်လည်ပေးအပ်ရန် သင့်လျော်လျှင် ပြန်ပေးမည်ဖြစ်ကြောင်း Young Force-UG က ပြောသည်။

Public Service Announcement

Public Service Announcement

“အုပ်ချုပ်ရေးမှူး တွေကိုမှာချင်တယ်၊အသက်တွေကို နှ​မျောရင် စစ်ကောင်စီရဲ့ ထောက်တိုင်တွေအဖြစ် ဆက်လက် မရပ်တည်ကြပါနဲ့။ကာကွယ်ရေးတပ်ဖွဲ့များဟာ နေရာမရွေး လှုပ်ရှားနိုင်ပါတယ်။”ဟု Young Force-UG အဖွဲ့က သတိပေးထားသည်။

အထောက်အထား ခိုင်လုံသော်လည်း ပြည်သူ့ကာကွယ်ရေးတပ်ဖွဲ့များ၏ စည်းမျည်းစည်းကမ်းများနှင့်အညီ အသက်အရွယ်အား ထောက်ထားငဲ့ညှာခြင်း၊ကျန်ရစ်မည့် မိသားစုအခြေအနေများအား ငဲ့ညှာခြင်းများကြောင့်အသိပေးစကားများ ပြောကြားကာရဲဘော်များပြန်လည်ထွက်ခွာလာခဲ့ပြီး ငွေကြေးတစ်စုံတရာမျှ သိမ်းယူခဲ့ခြင်းမရှိခဲ့ကြောင်း အသိပေးထုတ်ပြန်ထားသည်။

ဆက်စပ်သတင်းများ

သတင်း

ပြည်သူအချို့က စစ်ကောင်စီရဲ့ လုပ်နည်းလုပ်ဟန်အပေါ် မေးခွန်းထုတ်

သတင်း

အမျိုးသားညီညွတ်ရေးအစိုးရ(NUG)၊ ကာကွယ်ရေးဝန်ကြီးဌာန၊ ပြည်သူ့ကာကွယ်ရေးတပ်မတော်(PDF)၊ စစ်ရုံးချုပ်ကွပ်ကဲမှုအောက်ရှိ အမှတ် (၉၇၁၁) တပ်ရင်းကို လက်နက်တပ်ဆင်ခြင်းအခမ်းအနား ကျင်းပခဲ့ကြောင်း ပြည်သူ့ကာကွယ်ရေးတပ်မတော် က သတင်းထုတ်ပြန်ပါတယ်။

သတင်း

ပြည့်သူ့ကာကွယ်​ရေးတပ်မ​တော်(PDF)၊အထူးတိုင်းစစ်ဌာန သုံ့ပန်းစခန်းမှာ ပေးအပ်တဲ့တာဝန်တွေကို ကျေပွန်အောင်ထမ်းဆောင်ခဲ့တဲ့ စစ်သုံ့ပန်း ၁၆ ဦးကို သူတို့ရဲ့ဆန္ဒအလျောက် ပြည်သူ့ကာကွယ်ရေးတပ်မတော်သားတွေအဖြစ် တာဝန်ထမ်း‌ ဆောင်ခွင့် ပြုလိုက်တယ်လို့အမျိုးသားညီညွတ်ရေးအစိုးရ (NUG)ကာကွယ်ရေးဝန်ကြီးဌာနက သတင်းထုတ်ပြန်ပါတယ်။

သတင်း

စစ်တပ်က အင်း​တော်မှာပြည်သူ ၁ဦးကိုသတ်ပြီး ၁ ဦးကိုဖမ်း​​ခေါ်သွား