Connect with us

Hi, what are you looking for?

သတင်း

သပိတ်ကျင်းတွင် ရွှေလုပ်ကွက်များထံ စစ်ကြောင်းထိုးနေသည့် စစ်ကောင်စီတပ်အား နှစ်ကြိမ်မိုင်းခွဲတိုက်ခိုက်

သပိတ်ကျင်းနယ်တွင် စစ်ကောင်စီတပ်များက စစ်ကြောင်းထိုးကာ ရွှေလုပ်ကွက်များရှိ ရွှေလုပ် သားများအား ဖမ်းဆီးမှုများ ပြုလုပ်နေပြီး ငွေညှစ်မှုများပါ ပြုလုပ်နိုင်ကြောင်း ဒေသခံတစ်ဦးက ပြောသည်။

သပိတ်ကျင်းတွင် ရွှေလုပ်ကွက်များထံ စစ်ကြောင်းထိုးနေသည့် စစ်ကောင်စီတပ်အား နှစ်ကြိမ်မိုင်းခွဲတိုက်ခိုက်
သပိတ်ကျင်းတွင် ရွှေလုပ်ကွက်များထံ စစ်ကြောင်းထိုးနေသည့် စစ်ကောင်စီတပ်အား နှစ်ကြိမ်မိုင်းခွဲတိုက်ခိုက်

စစ်ကောင်စီတပ်ဖွဲ့ဝင်အများအပြား ထိခိုက်သေဆုံးနိုင်ဟုဆို

မန္တလေးတိုင်း၊ သပိတ်ကျင်းမြို့နယ်တွင် ရွှေလုပ်ကွက်များထံ စစ်ကြောင်းထိုးနေသည့် စစ်ကောင်စီတပ်အား နှစ်ကြိမ်မိုင်းခွဲကာ တိုက်ခိုက်ခဲ့ရာ စစ်ကောင်စီတပ်ဖွဲ့ဝင်အများအပြား ထိခိုက်သေဆုံးနိုင်ကြောင်း ဗိုလ်လင်းယုန်တပ်ဖွဲ့က သတင်းထုတ်ပြန်သည်။

ဖြစ်စဥ်မှာ လွန်ခဲ့သော နှစ်ရက်က စစ်ကောင်စီတပ်များသည် သပိတ်ကျင်းမြို့နယ်အတွင်းစစ်ကြောင်းထိုးရန်အတွက် စစ်ကြောင်းသုံးကြောင်းဖြင့် လာရောက်ခဲ့သည်။

ယမန်နေ့(စက်တင်ဘာ ၂၆ ရက်) နံနက် ၇နာရီခန့်က စစ်ကြောင်းတစ်ခုမှာ အင်အား ၇၀ခန့်ဖြင့် ဖက်ရှည်ကျေးရွာသို့ ကားဖြင့်ရောက်လာကြပြီး သံပုရာချပ် လုပ်ကွက်ဆီသို့ စစ်ကြောင်းထိုးရန် ကားပေါ်မှဆင်း၍ ခြေလျင်လျှောက်လာခဲ့သည်။

Public Service Announcement
Public Service Announcement

၁၀ မိနစ်ခန့်အကြာတွင် စစ်ကောင်စီတပ်သား ခုနစ်ဦးခန့် ပထမမိုင်းကွင်းကိုကျော်၍ ကျန်စစ်သားများ မိုင်းကွင်းပေါ်ရောက်ရှိနေချိန် ဖေါက်ခွဲတိုက်ခိုက်ခဲ့ကြောင်း၊ ထို့နောက် ကျော်သွားသော စစ်ကောင်စီတပ်များ ဒုတိယမိုင်းကွင်းပေါ် အရောက် ထပ်မံဖောက်ခွဲတိုက်ခိုက်ခဲ့ကြောင်း ဗိုလ်လင်းယုန်တပ်ဖွဲ့က အသိပေးသည်။

Public Service Announcement

Public Service Announcement

မိုင်း ၈လုံးတစ်ကြိမ်၊ ၆လုံးတစ်ကြိမ် စုစုပေါင်း မိုင်း ၁၄လုံးဖောက်ခွဲတိုက်ခိုက်ခဲ့ရာ စစ်ကောင်စီတပ်ဘက်က ၃၄ ဦးခန့်နေရာမှာပင် သေဆုံးပြီး ၁၇ဦး အပြင်းအထန်ဒဏ်ရာရရှိသွားသည်ဟု ဗိုလ်လင်းယုန်တပ်ဖွဲ့က အသိ​ပေးထားသည်။

စစ်ကောင်စီတပ်ဖွဲ့ဝင်အများအပြားသေဆုံးမှုကို မည်ကဲ့သို့ အတည်ပြုသနည်းဟု People’s Springက မေး​​မြန်းရာ အတွင်းသတင်းအရ သိရှိရကြောင်း ဗိုလ်လင်းယုန်အဖွဲ့တပ်ဖွဲ့ဝင်တစ်ဦးက ပြောသည်။

“အဝေးထိန်းနဲ့ ခွဲတာဆိုတော့ လက်နက်ပစ္စည်းက ကောက်ဖို့အခြေအနေမပေးပါဘူးခင်ဗျ။ ​ွေးသတင်းက အရမ်းကပ်နေတော့ ဗွီဒီယိုကလည်း ရိုက်ချိန်မရှိလို့ပါ”ဟု ၎င်းက ပြောသည်။

ဖြစ်စဥ်ဖြစ်ပွားပြီးနောက် နံနက် ၁၀ခန့်အချိန်တွင် နာရေးကား လေးစီးဖြင့် သေဆုံးထိခိုက်သူများအား ကျောက်ကြီးစစ်ဆေးရုံသို့တင်ဆောင်သွားကြောင်း စောင့်ကြည့် ရဲဘော်ထံမှသိရသည်ဟု ထုတ်ပြန်ထားသည်။

ထိုနောက် အင်အားအလုံးအရင်းဖြင့်ထပ်မံရောက်ရှိလာပြီး ဖက်ရှည်ကျေးရွာမှ ပြည်သူအချို့ကိုဖမ်းဆီးကာ ရွာကိုပါ မီးရှို့မည်ဟု ခြိမ်းခြောက်သွားကြောင်း ဗိုလ်လင်းယုန်တပ်ဖွဲ့က ပြောသည်။

စစ်ကောင်စီဘက်က သေဆုံးထိခိုက်မှု အ​ခြေအ​နေကို People’s Spring က သီးခြားအတည်ပြုနိုင်ခြင်း မရှိ​သေးပါ။

သပိတ်ကျင်းနယ်တွင် စစ်ကောင်စီတပ်များက စစ်ကြောင်းထိုးကာ ရွှေလုပ်ကွက်များရှိ ရွှေလုပ် သားများအား ဖမ်းဆီးမှုများ ပြုလုပ်နေပြီး ငွေညှစ်မှုများပါ ပြုလုပ်နိုင်ကြောင်း ဒေသခံတစ်ဦးက ပြောသည်။

ဒီပဲယင်းမြို့နယ် လက်ယက်ကုန်းဖြစ်စဥ်အတွက် လက်တုန့်ပြန်တိုက်ခိုက်ခြင်းဖြစ်ကြောင်း မန္တလေးတိုင်း၊ ပြင်ဦးခရိုင် ခရိုင်(ပကဖ) သပိတ်ကျင်းမြို့နယ်အခြေစိုက် ဗိုလ်လင်းယုန်တပ်ဖွဲ့က အသိပေးထားသည်။

ဆက်စပ်သတင်းများ

သတင်း

ပြည်သူအချို့က စစ်ကောင်စီရဲ့ လုပ်နည်းလုပ်ဟန်အပေါ် မေးခွန်းထုတ်

သတင်း

စစ်ကိုင်းတိုင်းမှာ သံချပ်ကာတပ်ရဲ့ ဒုတိယစစ်ဆင်ရေးကွပ်ကဲရေးမှူး ဗိုလ်မှူးကြီး ဖမ်းဆီးခံရပြီးနောက် စစ်ကိုင်းမြို့နယ်အနောက်ခြမ်းက ကျေးရွာတွေကို အာဏာသိမ်းစစ်တပ်က ရက်သတ္တပတ်ကျော်ကြာ စစ်ကြောင်းထိုးနေလို့ ပြည်သူတွေ ထွက်ပြေးတိမ်းရှောင်နေရပါတယ်။

သတင်း

တနိုင်ငံလုံးအပစ်ရပ်စာချုပ်(NCA)အပေး လူထုရဲ့ ယုံကြည်ကိုးစားမှု လျော့နည်းကျဆင်းခဲ့ကြောင်း နေပြည်တော်မှာ ကျင်းပတဲ့ NCA စာချုပ်ချုပ်ဆိုမှု ၁၁နှစ်မြောက်နှစ်ပတ်လည် အခမ်းအနားမှာ ရှမ်းပြည်ပြန်လည်ထူထောင်ရေးကောင်စီ(RCSS)ကိုယ်စားလှယ် ဗိုလ်မှူးကြီးစိုင်းငင်းက ပြောပါတယ်။

သတင်း

ထိုင်းနိုင်ငံရောက် မြန်မာလုပ်သားတွေအနေနဲ့ မိသားစုထံ ၃လစာငွေလွှဲပို့ထားသူတွေကို မည်သူမည်ဝါဖြစ်ကြောင်းသက်သေခံလက်မှတ် (CI) ထုတ်ပေးရေးစခန်း ၅ခုပြန်ဖွင့်ပြီး လုပ်ပေးသွားမယ်လို့ စစ်အုပ်စုကထုတ်ပြန်ပါတယ် ။