လွိုင်ကော်အကျဉ်းထောင်၌ ဆေးကုသခွင့် ကောင်းမွန်စွာမရရှိ၍ နိုင်ငံရေးအကျဥ်းသား လူငယ် တစ်ဦး သေဆုံးခဲ့ကြောင်း တိုးတက်သောကရင်နီပြည်သူ့အင်အားစု(PKPF)က ထုတ်ပြန်သည်။
ပုဒ်မ ၅၂(အကြမ်းဖက်ဥပဒေပုဒ်မ)ဖြင့် ထောင်ဒဏ်(၅)နှစ် ချမှတ်ခံထားရသည့် အသက် ၂၁ နှစ်အရွယ် မောင်ငယ်မှာ ယမန်နေ့(အောက် တိုဘာ ၁၃ ရက်)တွင် လွိုင်ကော်အကျဥ်းထောင် ၌ သေဆုံးခဲ့ခြင်းဟု ဆိုသည်။
“အလောင်းပြန်မရပါဘူး။သေသွားတယ်ပဲ အဆက်အသွယ်ရခဲ့တာပါ”ဟု PKPFက ပြောသည်။
လွိုင်ကော်စစ်ဆေးရေးဂိတ်တွင် PDFနှင့် ဆက် နွယ်မှုရှိသည်ဟုဆိုကာ မောင်ငယ်ကို ယမန်နှစ် တွင် အကြမ်းဖက်စစ်ကောင်စီက ဖမ်းဆီးခဲ့ခြင်းဖြစ်သည်။
Public Service Announcement
ကရင်နီ(ကယား)ပြည်နယ်တွင် ရဲအချုပ်၊စစ် ကြောရေးနှင့် အကျဉ်းထောင်များထဲ၌ နိုင်ငံရေးပုဒ်မနှင့် ဖမ်းဆီခံရပြီး သေဆုံးသူ(၇)ဦးအထိရှိလာ ကြောင်း PKPF က ဖော်ပြသည်။
ထို့အပြင် ကရင်နီပြည်နယ်၌ အာဏာသိမ်း အကြမ်းဖက်စစ်ကောင်စီတပ်၏ မတရားဖမ်း ဆီးခံထားရသည့် ပြည်သူ ၂၇၀ ကျော်ထိရှိနေသည်။
