Connect with us

Hi, what are you looking for?

LuduNwayOo

သတင်း

လွိုင်ကော်လေဆိပ်တွင် MNA ခရီးသည်တင်လေယာဉ် ပစ်ခတ်ခံရပြီး နှစ်ဦးဒဏ်ရာရ

“လေယာဉ်ဝမ်းဗိုက်ကနေ ဖောက်ဝင်သွားတာ။တစ်ယောက်ထိတယ် အခြေအနေကို မသိရသေးဘူး”ဟု လွိုင်ကော်မြို့နေသူတစ်ဦးက လူထုနွေဦးသို့ ပြောသည်။

(ယနေ့ နံနက်ပိုင်း ပစ်ခတ်ခံရသည့် ခရီးသည်လေယာဉ်ပေါ်မှ မြင်ကွင်းဖြစ်သည်။ ဓာတ်ပုံ- Kyaw Ko Ko Tin/FB)
(ယနေ့ နံနက်ပိုင်း ပစ်ခတ်ခံရသည့် ခရီးသည်လေယာဉ်ပေါ်မှ မြင်ကွင်းဖြစ်သည်။ ဓာတ်ပုံ- Kyaw Ko Ko Tin/FB)

ကရင်နီပြည်နယ် လွိုင်ကော်မြို့လေဆိပ်တွင် မြန်မာအမျိုးသားလေကြောင်းလိုင်း(MNA) ခရီးသည်တင်လေယာဉ်တစ်စီး ပစ်ခတ်ခံရပြီး နှစ်ဦးထိခိုက်ဒဏ်ရာရရှိကြောင်း ဒေသခံသတင်းရင်းမြစ်များက အတည်ပြုသည်။

ယနေ့(စက်တင်ဘာ ၃၀ရက်)ရန်ကုန်မြို့မှ ပျံသန်းလာသည့် ခရီးသည်လေယာဉ်မှာ လွိုင်ကော် မြို့ လေယာဉ်ကွင်းသို့ ဆင်းသက်စဉ် နံနက် ၈နာရီ ၅၀မိနစ်ခန့်က ပစ်ခတ်ခံရခြင်းဟု ဆိုသည်။

မြန်မာအမျိုးသားလေကြောင်းလိုင်း(MNA) ခရီးသည်တင်လေယာဉ် ATR-72 လေယာဉ်အမှတ် XY-EAL သည် လွိုင်ကော်လေဆိပ်သို့ ဆင်းသက်စဥ် ပစ်ခတ်ခံရပြီး လေယာဥ်ပေါ်ပါရှိသူ နှစ်ဦး ဒဏ်ရာရရှိခဲ့သည်ဟု လွိုင်ကော်လေဆိပ်ဝန်ထမ်းတစ်ဦးက အတည်ပြုသည်။

ကျည်ထိမှန်ဒဏ်ရာရရှိသူနှစ်ဦးမှာ မည်သူမည်ဝါဖြစ်ကြောင်း မသိရသေးဘဲ မည်သည့်အဖွဲ့က ပစ်ခတ်သည်ကို လူထုနွေဦးအနေဖြင့် အတည်ပြုနေဆဲ ဖြစ်သည်။

(ယနေ့ နံနက်ပိုင်း ပစ်ခတ်ခံရသည့် ခရီးသည်လေယာဉ်ပေါ်မှ မြင်ကွင်းဖြစ်သည်။ ဓာတ်ပုံ- Kyaw Ko Ko Tin/FB)
(ယနေ့ နံနက်ပိုင်း ပစ်ခတ်ခံရသည့် ခရီးသည်လေယာဉ်ပေါ်မှ မြင်ကွင်းဖြစ်သည်။ ဓာတ်ပုံ- Kyaw Ko Ko Tin/FB)

“လေယာဉ်ဝမ်းဗိုက်ကနေ ဖောက်ဝင်သွားတာ။တစ်ယောက်ထိတယ် အခြေအနေကို မသိရသေးဘူး”ဟု လွိုင်ကော်မြို့နေသူတစ်ဦးက လူထုနွေဦးသို့ ပြောသည်။

အဆိုပါ ခရီးသည်လေယာဉ်ပစ်ခတ်ခံရသည့် လွိုင်ကော်လေယာဉ်ကွင်းသည် စစ်ကောင်စီတပ်စွဲထားသည့် နေရာတစ်ခုဖြစ်ပြီး ကရင်နီဒေသတွင်း လက်နက်ခဲယမ်းများ ဖြည့်တင်းရန် ထောက်ပို့သည့် အဓိကနေရာဖြစ်ကြောင်းလည်း ၎င်းက ဆိုသည်။

“လွိုင်ကော်လေဆိပ်က စကစက တပ်စွဲထားတဲ့နေရာပါ။အခု လေယာဉ်ကို ထိတဲ့ပုံစံကလည်း လေယာဉ်ကွင်းထဲကနေ ကျည်ထွက်ပြီး ထိတဲ့ အနေအထားပဲ။ကရင်နီတပ်တွေကတော့ ပစ်မယ် ဆိုရင်တောင် စကစနဲ့ ဆက်စပ်တာကိုပဲ ပစ်မှာပါ”ဟု ကရင်နီစစ်ရေးသတင်းရင်းမြစ်က လူထုနွေဦးသို့ ရှင်းပြသည်။

တိုးတက်သောကရင်နီပြည်သူ့အင်အားစု(PKPF)ကလည်း “Loikawမှာ ဒီမနက် ခရီးသည်လေယာဉ်အပစ်ခံရ”ဟု အသိပေးထားသည်။

You May Also Like

သတင်း

ကံတော်ရာတောင်‌ပေါ်၌ တပ်စွဲထားလျက်ရှိသောစစ်ကောင်စီတပ်သည် ဒီဇင်ဘာ ၁ ရက်တွင် အင်အားအများအပြားဖြည့်တင်းပြီး စစ်ရေးလှုပ်ရှားမှုများပြုလုပ်ခဲ့သည်ဟု ဆိုသည်။

သတင်း

သေနတ်သုံးလက် သိမ်းဆည်းနိုင်ခဲ့ မန္တလေးတိုင်း၊ ညောင်ဦးမြို့နယ်၊ စဉ့်ကူနယ်မြေရဲစခန်းမှ ရဲငါးဦး ဘီယာဆိုင်ထိုင်နေစဥ် ဝင်ရောက် တိုက်ခိုက်ခဲ့ရာ စခန်းမှူးအပါအဝင် ငါးဦးလုံးသေဆုံးပြီး သေနတ်သုံးလက်သိမ်းဆည်းနိုင်ခဲ့ကြောင်း ပခုက္ကူမြို့ပြပြောက်ကျားတပ်ဖွဲ့(တပ်ဖွဲ့-၂)က ထုတ်ပြန်သည်။ ယမန်နေ့ (ဒီဇင်ဘာ၁ ရက်)မွန်းလွဲ ၁နာရီခန့်ကညောင်ဦး​မြို့နယ်၊ စဥ့်ကူရဲစခန်း၏ စခန်းမှူးအပါအဝင် ရဲငါးဦးသည် တက်မမှော်အတွင်းရှိ ဘီယာဆိုင်တစ်ဆိုင်တွင် ထိုင်နေချိန်...

သတင်း

သိပ်ဇရပ်ရဲစခန်းမှ မကြာခဏ လက်နက်ငယ် များဖြင့် ရမ်းသမ်းပစ်ခတ်မှုများရှိပြီး အရပ်သားပြည်သူများအား မတရားဖမ်းဆီးမှုများလုပ်ဆောင်လျှက်ရှိကြောင်း KNUက ထုတ်ပြန်သည်။

သတင်း

ယနေ့(နိုဝင်ဘာ ၂၈ရက်)နံနက် ၈ နာရီခန့်တွင်စစ်ကောင်စီတပ်များသည် ကျွဲတွင်းကျေးရွာမှ အင်အား ၁၅၀ခန့်ဖြင့် မြောက်ဘက်သို့ ဦးတည် ထွက်ခွာလာ​၍ ပြည်သူများထွက်ပြေးတိမ်းရှောင်နေရကြောင်း ဒေသခံများက ပြောသည်။