မန္တလေးမြို့ပေါ်က ရပ်ကွက်အချို့မှာ မနေ့ကညပိုင်းက စစ်ကောင်စီတပ်ဟာ လမ်းပိတ်စစ်ဆေးတာတွေကို လုပ်ခဲ့ပါတယ်။
ည ၇ နာရီလောက်ကစပြီး မဟာအောင်မြေမြို့နယ် ၊စိန်ပန်းရပ်ကွက် ၊ ပန်းခြံလမ်းမှာ အင်အားသုံးပြီး လမ်းပိတ်စစ်ဆေးခဲ့တယ်လို့ အဲဒီရပ်ကွက်မှာနေသူ တွေထံက သိရပါတယ်။
ချမ်းမြသာစည် မြို့နယ် ၁၁၄ လမ်း ၊ ၄၉ လမ်းကနေ လမ်း ၅၀ အထိ ဖြတ်သန်းသွားလာသူတွေ အားလုံးနီးပါးကိုလည်း မနေ့က ညပိုင်းမှာ စစ်ကောင်စီတပ်က စစ်ဆေးခဲ့ပါသေးတယ်။
ဒါအပြင် မနေ့က ညပိုင်းမှာတင်ပဲ သံလျှက်မှော်အနောက်ရပ်ကွက် အုပ်ချုပ်ရေးမှူးရုံးဘေးနားမှာ ဖွင့်ထားတဲ့ ဆိုင်ခန်းတွေကို သေနတ်ပြပြီး ဖိအားပေး ရွှေ့ခိုင်းခဲ့တယ်လို့ စုံစမ်းသိရပါတယ်။
Public Service Announcement
မနေ့ကညပိုင်း ပိတ်ဆို့ စစ်ဆေးမှုမှာ ဖမ်းခံရသူ အချို့ ရှိတယ်လို့သတင်းထွက်နေပေမယ့် အတည်ပြု ဖို့အတွက် စုံစမ်းနေဆဲပါ။
