Connect with us

Hi, what are you looking for?

သတင်း

အိုးဘိုထောင်မှာ ထောင်ဝင်စာပါဆယ်ပို့ခွင့်ပိတ်လိုက်

ဘယ်ရက်မှာ ထောင်ဝင်စာပါဆယ် ပြန်လည်လက်ခံမယ်ဆိုတာကိုတော့ ထောင်ဘက်က ပြန်လည်အသိပေးတာမရှိဘူးလို့လည်း အဲဒီရှေ့နေက ဆိုပါတယ်။

အိုးဘိုထောင်မှာ ထောင်ဝင်စာပါဆယ်ပို့ခွင့်ပိတ်လိုက်
အိုးဘိုထောင်မှာ ထောင်ဝင်စာပါဆယ်ပို့ခွင့်ပိတ်လိုက်

အင်းစိန်ထောင် ထောင်ဝင်စာပါဆယ်ပို့တဲ့နေရာမှာ ပေါက်ကွဲမှုဖြစ်ပြီးနောက် မန္တလေး အိုးထောင် မှာလည်း ထောင်ဝင်စာပါဆယ်ပို့ခွင့် ကိုဒီနေ့ နေ့လယ်ပိုင်းကစတင်ပြီး ပိတ်လိုက်တယ်လို့ စုံစမ်းသိရပါတယ်။

ထောင်ဝင်စာပါဆယ်ပို့ဖို့ အမှုသည်က အိုးဘိုထောင်ကို ဖုန်းဆက်မေးမြန်းရာ ဒီနေ့ ကစတင်ပြီး ပိတ်လိုက်တဲ့အကြောင်း သိရတယ်လို့ အိုးဘိုထောင်မှာ နိုင်ကျဉ်းအမှုတွေလိုက်ပါဆောင်ရွက်ပေးနေတဲ့ ရှေ့နေဦးတစ်ဦးက ပြောပြပါတယ်။

ဘယ်ရက်မှာ ထောင်ဝင်စာပါဆယ် ပြန်လည်လက်ခံမယ်ဆိုတာကိုတော့ ထောင်ဘက်က ပြန်လည်အသိပေးတာမရှိဘူးလို့လည်း အဲဒီရှေ့နေက ဆိုပါတယ်။

မြန်မာနိုင်ငံက အကျဉ်းထောင်တွေမှာ ကိုဗစ်ကာလကတည်းက ထောင်ဝင်စာ လူကိုယ်တိုင်တွေ့တာကို ပိတ်ထားတာပါ။

Public Service Announcement

Public Service Announcement

စစ်တပ်အာဏာသိမ်းပြီးနောက်ပိုင်းမှာလည်း ထောင်ဝင်စာလူတွေ့တာကို ဆက်လက်ပိတ်ထားပါတယ်။

ဒါပေမယ့် တစ်လ ၂ ကြိမ် အစားအစာ ၊ဆေးဝါး စတဲ့ ပစ္စည်းတွေ ထောင်ဝင်စာပါဆယ်ပို့တာကိုတော့ ခွင့်ပြုပေးထားပါသေးတယ်။

နွေဦးတော်လှန်ရေးကာလအတွင်း ဖမ်းခံရတဲ့ နိုင်ကျဉ်းတွေထဲမှာ မိသားစုက ထောင်ဝင်စာ ပါဆယ် ပုံမှန် လာမပို့နိုင်တဲ့သူတွေရှိနေပါတယ်။

ဒါကြောင့် ထောင်ဝင်စာပါဆယ် ပုံမှန်လာတဲ့သူတွေက အကျဉ်းထောင်ထဲမှာပြန်လည် မျှဝေပေးကြရပါတယ်။

ဒါအပြင် အကျဉ်းထောင်ထဲမှာ ကျန်းမာရေးစောင့်ရှောက်မှုမပေးတာ ၊ အကြောင်းမဲ့ တိုက်ပိတ်တာ ၊ ရာဇဝတ်အကျဉ်းသားတွေနေတဲ့ အဆောင် ပို့ပစ်တာ ၊ ရိုက်နှက်တာ တွေ ရှိနေပါတယ်။

ဆက်စပ်သတင်းများ

သတင်း

ထောင်တွင်းစစ်အုပ်စုက နိုင်ငံရေးအကျဉ်းသားတွေအပေါ် ဖိနှိပ်မှုတွေ တိုးလုပ်နေ

သတင်း

မန္တလေးအိုးဘိုထောင်မှာ ထောင်ဒဏ် နှစ် ၂၀ကျော် ချမှတ်ခံထားရတဲ့ ဆေးတက္ကသိုလ်(မန္တလေး)က CDM ဆရာမ ဒေါ်ခင်သီတာ အကျဥ်းထောင်တွင်းမှာ ကွယ်လွန်သွားခဲ့ကြောင်း အာဏာရှင်စနစ်ဆန့်ကျင်ရေး ပြည်သူ့အင်အားများ ချိတ်ဆက်ညှိနှိုင်းရေး ကော်မတီ (မန္တလေး)ရဲ့ အတွင်းရေးမှူး အဖွဲ့ဝင် မမေနှင်းက ပြောပါတယ်။

သတင်း

မန္တလေး အိုးဘိုထောင်မှာ စစ်တပ်နဲ့ ထောင်အာဏာပိုင်တွေ ပူးပေါင်းပြီး အကျဉ်းသားတွေကို စစ်မှုထမ်းဖို့ ဖိအားပေးတာ၊ သီးခြားခွဲထုတ်တာတွေ လုပ်ဆောင်နေကြောင်း မြန်မာနိုင်ငံလုံးဆိုင်ရာ နိုင်ငံရေးအကျဉ်းသားများကွန်ရက် (PPNM) က စက်တင်ဘာ ၂၇ ရက်မှာ ထုတ်ပြန်ပါတယ်။

သတင်း

မန္တလေးမြို့က အိုးဘိုအကျဉ်းထောင် အမျိုးသမီးဆောင်မှာ ထမင်းသိုးတွေကြွေးတာကြောင့် ဩဂုတ်၂၀ ရက်က ယာယီဆောင်မှာ နိုင်ငံရေးအကျဉ်းသူတွေ အစာငတ်ခံဆန္ဒပြမှုဖြစ်ခဲ့တယ်လို့ နိုင်ကျဉ်းမိသားစုဝင် တွေကပြောပါတယ်။