မုံရွာ – မန္တလေးလမ်းတွင် မိုင်းရှင်းလင်းရေးအဖွဲ့ယာဉ်အား ပဒေသာမိုင်းဖြင့် တိုက်ခိုက်

စစ်ကိုင်းတိုင်း၊ မုံရွာ – မန္တလေးလမ်းမကြီးပေါ်တွင် စစ်ကြောင်းထိုးပြန်လာသည့် မိုင်းရှင်းလင်းရေးအဖွဲ့ယာဉ်အား ပဒေသာမိုင်းဖြင့် ဖောက်ခွဲတိုက်ခိုက်ခဲ့ရာ အထိအခိုက်များနိုင်ကြောင်း မြင်းခြံခရိုင်တပ်ရင်း (၇)Zero ပြောက်ကျားတပ်ဖွဲ့ခေါင်းဆောင် ကိုသက်ကြီးက ပြောသည်။

ယနေ့ (အောက်တိုဘာ၂၄ရက်) ညနေ ၅နာရီ မိနစ်၂၀ ခန့်က မြင်းမူအနောက်တောင်ဘက်ခြမ်းအား စစ်ကြောင်းထိုးပြီးနောက် စစ်ကိုင်းဘက်သို့ပြန်လာသည့် စစ်ကောင်စီကားသုံးစီးအနက် နောက်ဆုံးယာဉ်တစ်စီးအား ရွာမနှင့် နတ်ခရိုင်ကြားတွင် ပဒေသာမိုင်း (၈)လုံးဖြင့် ဖောက်ခွဲတိုက်ခိုက်ခဲ့ခြင်းဖြစ်ကြောင်း Zero ပြောက်ကျားတပ်ဖွဲ့ခေါင်းဆောင် ကိုသက်ကြီးက ပြောသည်။

“လမ်းအလယ်ခေါင်မှာ ဖောက်ပြီးထည့်ထားတဲ့ ပဒေသာမိုင်း (၈)လုံးနဲ့ ဖောက်ခွဲတိုက်ခိုက်ခဲ့တာပါ။ နောက်ဆုံးကားက ဖင်ထောင်ပြီးတော့ ဒဏ်ရာရသေဆုံးမှုလည်း များလိမ့်မယ်။”ဟု ကိုသက်ကြီးက ပြောသည်။

အဆိုပါ ယာဉ်သည် နံနက်ပိုင်းက ပြည်သူ့ရဲဘော် များက စနိုက်ဘာဖြင့် ပစ်ခတ်ခဲ့သည့်ကားဖြစ် ကြောင်း၊ မိုင်းဆွဲခံရပြီးနောက် စစ်ကောင်စီတပ် က လိုက်လံပစ်ခတ်ခဲ့သော်လည်း ရဲဘော်များအထိအခိုက်မရှိ ဆုတ်ခွာနိုင်ခဲ့ကြောင်း Zero ပြောက်ကျားတပ်ဖွဲ့ခေါင်းဆောင်က ဆိုသည်။

Public Service Announcement

စစ်ဆင်ရေးအား Zero ပြောက်ကျားတပ်ဖွဲ့(မြင်းခြံ)နှင့် G4G PDF အဖွဲ့တို့ ပူးပေါင်းဆောင်ရွက်ခဲ့ကြောင်း အသိပေးသည်။

ယနေ့နံနက်ခင်းပိုင်းကလည်း မြင်းမူမြို့နယ်၊ မုံရွာ – မန္တလေးလမ်းမကြီးပေါ်တွင် စစ်ကောင်စီယာဥ် အား စနိုက်ဘာဖြင့် ပစ်ခတ်တိုက်ခိုက်ရာ စစ်ကောင်စီတပ်ဖွဲ့ဝင်တစ်ဦး သေဆုံးခဲ့သေးသည်။