အာဏာသိမ်း စစ်ကောင်စီ သက်ဆိုးရှည်အောင် ဘဏ္ဍာငွေ ရှာဖွေပေးနေတဲ့ စစ်တပ်ရဲ့ ဦးပိုင် ကုမ္ပဏီကို အကြမ်းဖက်အဖြစ် အမျိုးသားညီညွှတ်ရေးအစိုးရ(NUG) က ဒီနေ့ ဒီဇင်ဘာလ ၆ ရက် ညနေပိုင်းမှာ သတ်မှတ်ကြေညာလိုက်ပါတယ်။
မြန်မာ့စီးပွာရေးဦးပိုင်လီမိတက်နဲ့ မြန်မာ့စီးပွားရေး ကော်ပိုရေးရှင်းတွေဟာ စီးပွားရေးလုပ်ငန်းပေါင်းစုံကို လက်ဝါးကြီးအုပ် ချယ်လှယ်ပြီး နှစ်စဉ်ဘဏ္ဍာငွေ အမြောက်အများ စစ်တပ်အတွက်ရှာဖွေပေးနေတယ်လို့ NUG က ဆိုထားပါတယ်။
အဲဒီဘဏ္ဍာငွေဟာ စစ်တပ်ရဲ့ထိပ်ပိုင်းခေါင်းဆောင်တွေနဲ့ အရာရှိကြီးတွေအတွက်သာ အကျိုးစီးပွားဖြစ်ထွန်းပြီးအောက်ခြေအဆင့် တွေအတွက် ခံစားခွင့်မရှိသလောက်နည်းပါးတာကိုအမြတ်ငွေ ခွဲဝေမှု စာရွက်စာတမ်းတွေကို ကိုးကားပြီး NUG က ပြောထားပါတယ်။
ဒါအပြင် အဲဒီအကျိုးအမြတ်တွေကို အသုံးပြုပြီး စစ်အုပ်စုဟာ နေ့စဉ်နဲ့အမျှ နိုင်ငံတဝှမ်းက ပြည်သူ့တွေအပေါ် သတ်ဖြတ်မှုတွေ ကျုးလွန်နေတယ်လို့လည်း NUG က ကြေညာချက်ထဲမှာထည့်သွင်းထားတာတွေ့ရပါတယ်။
Public Service Announcement
ဒါကြောင့် မြန်မာ့စီးပွားရေးဦးပိုင်လီမိတက် နဲ့ မြန်မာ့စီးပွားရေးကော်ပိုရေးရှင်းကို အကြမ်းဖက်အုပ်စုအဖြစ် သတ်မှတ်လိုက်ပြီး အဲဒီအဖွဲ့တွေက ပိုင်တဲ့ ပစ္စည်းတွေကို အများပြည်သူအကျိုးစီးပွားအတွက် ထိန်းချုပ် စီမံသွားမယ်လို့လည်း NUG က ကြေညာထားပါတယ်။
မြန်မာ့စီးပွားရေးဦးပိုင်လီမိတက်ဟာ စစ်တပ်ပိုင် စီးပွားရေးလုပ်ငန်းစုဖြစ်ပြီး ၁၉၉၀ ခုနှစ်မှာ စတင်တည်ထောင်ခဲ့ပါတယ်။
