ရွှေဘိုမြို့နယ် ပျူရွာနှစ်ရွာမှ ပျူစောထီးများအားပါဆယ်မိုင်းပို့ တိုက်ခိုက်

စစ်ကိုင်းတိုင်း၊ ရွှေဘိုမြို့နယ်ရှိ ပျူရွာနှစ်ရွာမှ ပျူစောထီးများထံ ပါဆယ်မိုင်းပို့ တိုက်ခိုက်ရာ အထိအခိုက်ရှိကြောင်း C&T SHWEBOအဖွဲ့က ထုတ်ပြန်သည်။

ယမန်နေ့(ဒီဇင်ဘာ ၁၉ ရက်) နံနက် ၇နာရီခန့်က ရွှေဘိုမြို့နယ်ရှိ ပျူကြီးစိုးရာ တည်သီးတောကျေးရွာမှ ပျူစောထီးများထံ ပါဆယ်မိုင်းပို့၍ အဝေးထိန်းစနစ်ဖြင့် ဖောက်ခွဲတိုက်ခိုက်ခဲ့ရာ တစ်ဦးသေဆုံးခဲ့ကြောင်း C&T SHWEBO အဖွဲ့၏ ထုတ်ပြန်ချက်တွင် ဖော်ပြသည်။

မွန်းလွဲ ၁၂ နာရီ ၁၅မိနစ်ခန့်ကလည်း တည်သီး‌တောကျေးရွာအနောက်ဘက်ရှိ ညောင်ကိုင်းရွာမှ ပျူများထံ ပါဆယ်မိုင်းဖြင့် ထပ်မံဖောက်ခွဲ တိုက်ခိုက်ခဲ့ရာ တစ်ဦးပြင်းထန်ဒဏ်ရာရရှိကာ သေဆုံးနိုင်ခြေရှိကြောင်း C&T SHWEBO အဖွဲ့က ထပ်မံအသိပေးသည်။

အဆိုပါ ပျူအား ဆေးကုသရန် ဆေးဆရာသွားပင့်ရာတွင် မလိုက်သဖြင့်သေနတ်ဖြင့်ခြိမ်းခြောက် ခေါ်ဆောင်‌သွားသည်ဟု C&T SHWEBO အဖွဲ့က ဆိုသည်။

Public Service Announcement

ယင်းစစ်ဆင်ရေးကို C&T SHWEBO (LPDF)အဖွဲ့နှင့် တိုက်နယ်(၂) မဟာမိတ်ညီနောင်ရဲဘော်များက ‌ပူးပေါင်းတိုက်ခိုက်ခဲ့ခြင်းပြီး မဟာမိတ်ရဲဘော်များ အထိအခိုက်မရှိ ပြန်လည်ဆုတ်ခွာနိုင်ခဲ့ကြောင်း အသိပေးထားသည်။

ဖြစ်စဥ်နှင့်ပတ်သက်၍ C&T SHWEBO အဖွဲ့ထံ ဆက်သွယ်မေးမြန်းထားပြီး ပြန်လည်ဖြေကြားခြင်း မရှိသေးပေ။

တည်သီးတောကျေးရွာသည် ပျူစောထီးကြီးစိုးရာ ရွာတစ်ရွာဖြစ်ပြီး စစ်ကောင်စီတပ်နှင့် ပူးပေါင်းကာ စစ်ကြောင်းထိုးဖျက်ဆီးသတ်ဖြတ်မှုများ ပြုလုပ်နေသည်။