မန္တလေးတိုင်း ၊တောင်သာမြို့နယ်ထဲက ရွှေပန်းထိမ်ဆိုင် တစ်ဆိုင် မနေ့က နေ့ခင်းပိုင်း ၂ နာရီဝန်းကျင် ဓားပြတိုက်ခံရပြီး ရွှေ ၁ ပိသာကျော်ပါသွားတယ်လို့ ဒေသတွင်းသတင်းရင်းမြစ်တွေဆီကသိရပါတယ်။
ဓားပြတိုက်ခံရတဲ့ ရွှေပန်းထိမ်ဆိုင်ဟာ ဦးဆင့်ရွှေပန်းထိမ်ဖြစ်ပြီး တောင်သာမြို့နယ် ၊အမှတ် (၄) ရပ်ကွက် ၊ အရှေ့ဈေး တောင်ဘက်မှာရှိပါတယ်။
နေ့ခင်း ၂ နာရီဝန်းကျင်မှာ နှာခေါင်းစည်းတပ်ထားတဲ့ လူ ၄ဦး ရောက်လာပြီး ပစ္စတိုသေနတ် နဲ့ခြိမ်းခြောက်ကာ ဓားပြတိုက်သွားတာလို့ စစ်ကောင်စီလက်အောက်ခံ ရဲတပ်ဖွဲ့ထံကသိရပါတယ်။
ဆိုင်ဝန်ထမ်းတွေကို သေနတ်နဲ့ ချိန် ၊ဝမ်းလျားမှောက်ခိုင်းပြီး မှန်ကောင်တာရိုက်ခွဲ ကာ ရွှေထည်ပစ္စည်း ၁ ပိသာကျော်ကို လုယူသွားတာလို့ စစ်ကောင်စီလက်အောက်ခံရဲတပ်ဖွဲ့ထံက စုံစမ်းသိရပါတယ်။
Public Service Announcement
မနေ့ မနက်ပိုင်းကလည်း မန္တလေး ပြည်ကြီးတံခွန်မြို့နယ်ထဲမှာ ရွှေဆိုင်ခင်းဖို့ နေအိမ်ကနေ ထွက်လာတဲ့ မောသစ် ရွှေဆိုင်ပိုင်ရှင် ဟာအိမ်ရှေ့မှာတင် ဓားပြတိုက်ခံရပါသေးတယ်။
တောင်သာမြို့နယ် လူထုလှုပ်ရှားမှုကော်မတီရဲ့ ထုတ်ပြန်ချက်မှာတော့ တောင်သာမြို့မှာ ဓားပြတိုက်မှုမဖြစ်ခင် ညပိုင်းက မြင်းခြံ ပျုစောထီးခေါင်းဆောင်အမျိုးသမီးပါတဲ့ ပျုအင်အား ၂၀ ခန့်တောင်သာမြို့ပေါ်ကိုရောက်နေတယ်လို့ ဖော်ပြထားတာ တွေ့ရပါတယ်။
