တိုက်ပွဲပြင်းထန်နေ၍ ကလေး-ဂန့်ဂေါကြား မော်တော်ယာဥ်များဖြတ်သန်းသွားလာခြင်းမပြုရန် တားမြစ်၊ စစ်ကောင်စီက အင်အားဖြည့်တင်းနေဟုဆို

ဂန့်ဂေါမြို့နယ် နှမ်းခါးနှင့် ထှယ်လှော်ရွာအကြားတွင် ယနေ့နံနက်က ဒေသခံပြည်သူ့.ကာကွယ်ရေးတပ်ဖွဲ့များနှင့် စစ်ကောင်စီအကြမ်းဖက်တပ်ဖွဲ့များ တိုက်ပွဲပြင်းထန်နေ၍ ကလေးနှင့်ဂန့်ဂေါမြို့အကြား မော်တော်ယာဥ်များဖြတ်သန်းသွားလာခြင်းမပြုကြရန် ကလေး PDFက မေတ္တာရပ်ခံထားသည်။

စစ်ကောင်စီအကြမ်းဖက်တပ်ဖွဲ့မှ အရပ်သုံးယာဉ်များအသုံးပြု၍ အကြမ်းဖက်စစ်သားအင်အား ဖြည့်တင်းလျက်ရှိနေကြောင်းလည်း ထုတ်ပြန်သည်။

ထို့ကြောင့် ကလေးမြို့ဘက်မှ မည်သည့် မော်တော်ကားအမျိုးအစားမဆို ဂန့်ဂေါဘက်သို့ မောင်းနှင်သွားလာခြင်း လုံးဝ (လုံးဝ) မပြုလုပ်ရန် ထပ်မံသတိပေးလိုက်သည်ဟု ဖော်ပြထားသည်။

မောင်းနှင်သွားလာသော မည်သည့် မော်တော်ကားအမျိုးအစားကိုမဆို မိမိတို့ တပ်ဖွဲ့ဝင်များက မလွဲမရှောင်သာ ပစ်ခတ်တိုက်ခိုက်သွားမည်ဖြစ်ကြောင်းလည်း အသိပေးထားသည်။

Public Service Announcement