ဦးခင်မောင်ဆွေနဲ့ဦးသိန်းညွှန့်တို့စစ်ကောင်စီအဖွဲ့ဝင်အဖြစ်ကနေဖယ်ထုတ်ခံရ

အာဏာသိမ်းပြီးနောက် စစ်ကောင်စီဖွဲ့ရာမှာအဖွဲ့ဝင်အဖြစ် နေရာပေးခဲ့တဲ့ အရပ်သားနိုင်ငံရေးသမားတွေကို အဖွဲ့ဝင်အဖြစ်ကနေ ဖယ်လိုက်ပြီး အကြံပေးအဖွဲ့ထဲ စစ်ကောင်စီက ထည့်လိုက်ပါတယ်။

စစ်ကောင်စီအဖွဲ့ဝင်အဖြစ်ကနေ ဖယ်ခံရသူတွေထဲမှာ ဦးခင်မောင်ဆွေ ၊ ဦးသိန်းညွှန့်၊ဒေါက်တာဗညားအောင်မိုး ၊စောဒန်နီယယ် နဲ့ဒေါ်အေးနုစိန်တို့ပါပါတယ်။

ဒီလိုဖယ်ထုတ်ခံရသူတွေထဲမှာ ဦးခင်မောင်ဆွေနဲ့ ဦးသိန်းညွှန့်ဟာ အာဏာသိမ်းပြီး စစ်ကောင်စီစတင်ဖွဲ့စည်းချိန်ကတည်းက ပါဝင်ခဲ့သူတွေဖြစ်ပါတယ်။

သူတို့တွေနဲ့ ဗဟိုအကြံပေးအဖွဲ့ဆိုပြီး စစ်ကောင်စီက ဒီနေ့ ဖွဲ့ပေးလိုက်ပါတယ်။ အဲဒီအဖွဲ့ ဥက္ကဋ္ဌ နေရာမှာစစ်ကောင်စီရဲ့တိုင်းရင်းသားရေးရာဝန်ကြီး ဦးစောထွန်းအောင်မြင့်ကိုနေရာပေးပြီး အဖွဲ့ဝင် ၉ ဦးနဲ့ ဖွဲ့စည်းပေးလိုက်တာတွေ့ရပါတယ်။

Public Service Announcement

အာဏာသိမ်းစစ်ခေါင်းဆောင် ဟာ စစ်ကောင်စီအဖွဲ့ ကို စစ်ဘက် ၈ ဦး ၊အရပ်ဘက် ၈ ဦး စုစုပေါင်း ၁၆ ဦးနဲ့ဖွဲ့စည်းခဲ့တာပါ။

စစ်ကောင်စီ အဖွဲ့ဝင် ၁၆ ဦးလုံးကို စစ်တပ်အာဏာသိမ်း ၂ နှစ်ပြည့်တဲ့ဒီနေ့မှာ သြစတြေးလျအစိုးရက ပစ်မှတ်ထားအရေးယူပိတ်ဆို့တဲ့စာရင်းထဲ ထည့်လိုက်ပါတယ်။

အဲဒီနောက်ဒီနေ့ညနေပိုင်းမှာ စစ်ကောင်စီကို ၂၀ ဦးနဲ့ ပြန်လည်ဖွဲ့စည်းလိုက်တယ်လို့ကြေညာပါတယ်။