ဘန်ကောက်ကနေ ၁၂ မိုင်ခန့်အကွာ စမွန်ပရကန်ခရိုင် ၊ ဘန်ဖလီနယ်က ဆောက်လုပ်ရေး လုပ်ငန်းခွင်ကို ထိုင်းရဲက ဝင်ရောက်စီးနင်းရာမှာ အထောက်အထားမဲ့ မြန်မာလုပ်သား ၂၃ဦး ကို တရုတ်နိုင်ငံသား ကြီးကြပ်သူနဲ့အတူ ဖမ်းမိတယ်လို့ ဘန်ကောက်ပို့စ်သတင်းစာကဖော်ပြပါတယ်။
ဆောက်လုပ်ရေးလုပ်ငန်းခွင်မှာ တရားမဝင်လုပ်သားတွေ လုပ်ကိုင်နေတယ်လို့ဆိုတဲ့တိုင်တန်းချက်အရ ထိုင်း ရဲက ပြီးခဲ့တဲ့ ကြာသပတေးနေ့က ဝင်စီးတာပါ။
စီးနင်းမှုမှာ အလုပ်သမားအများအပြားထွက်ပြေးခဲ့ကြပေမယ့် မြန်မာလုပ်သား ၂၃ ဦးနဲ့ တရုတ်နိုင်ငံသားအလုပ်ကြပ် တို့ဖမ်းခံရတာဖြစ်တယ်လို့ဘန်ကောက်ပို့စ်က ဆိုပါတယ်။
မြန်မာလုပ်သားတွေဟာ အလုပ်လုပ်ခွင့် အထောက်အထားတွေ မရှိဘူးလို့ ထိုင်းလဝက ရဲ့ ပြောဆိုချက်ကို ကိုးကားပြီးဘန်ကောက်ပို့စ်က ဖော်ပြပါတယ်။
Public Service Announcement
ဆောက်လုပ်ရေးလုပ်ငန်းခွင်မှာ တရုတ်နွယ်ဖွားအမျိုးသား ကို မင်္သကာလို့ ထိုင်းရဲက စစ်ဆေးရာမှာ အဲဒီအမျိုးသားဟာ အလည်အပတ် ဗီဇာနဲ့ထိုင်းနိုင်ငံကို ဝင်ရောက်လာတဲ့ တရုတ်နိုင်ငံသားဖြစ်နေတာ ပေါ်ပေါက်ခဲ့ပါတယ်။
စစ်ဆေးမှုအတွင်း ဆောက်လုပ်ရေး လုပ်ငန်းခွင့်မှာ ခွင့်ပြုချက်မရှိဘဲ အလုပ်သမားကြီးကြပ်သူအဖြစ် လုပ်ကိုင်နေတယ်ဆိုတာကို ပါ တရုတ်နိုင်ငံသားက ဝန်ခံခဲ့တယ်လို့ ဘန်ကောက်ပို့စ်က ရေးသားပါတယ်။
အဲဒီ အလုပ်ကြပ် တရုတ်နိုင်ငံသားနဲ့မြန်မာနိုင်ငံသား ၂၃ ဦးကို ထိုင်းရဲက ဖမ်းဆီးထား ပြည်နှင်ဒဏ်ပေးဖို့ရှိနေတယ်လို့သိရပါတယ်။
