မန္တလေးတိုင်း ၊ပြင်ဦးလွင်မြို့မှာ မေလဆန်းပိုင်းအတွင်း လမ်းဘေးမှာ သေဆုံးနေတဲ့ အမျိုးသား ၃ ဦးထိရှိနေပြီလို့ မြို့ခံ သန္တိသုခ လူမှုကူညီရေးအသင်းကနေစုံစမ်းသိရပါတယ်။
သေဆုံးသူတွေ ဟာ အိမ်ခြေမဲ့သွားလာနေထိုင်သူတွေဖြစ်ကြပြီး မေလ ၁ ရက် ၊ ၂ ရက် နဲ့ ၄ ရက် နေ့တွေမှာ အလောင်းတွေကိုတွေ့ခဲ့ရတာပါ။
အလောင်းတွေကိုသွားရောက်သယ်ယူခဲ့တဲ့ လူမှုကူညီရေးအသင်းသားတစ်ဦးရဲ့ပြောပြချက်အရ သေဆုံးသူတွေဟာ အစာအာဟာရပြတ်လပ်တဲ့ လက္ခဏာတွေ့ရတယ်လို့သိပါတယ်။
“ရာသီဥတုပူတာလည်းပါမယ် ၊ ဒဏ်မခံနိုင်ကြဘူး ၊ တချို့ဆို ပုတ်ပွနေမှတွေ့တာမျိုးလည်းရှိတယ်”လို့ မြို့ခံပရဟိတသမားတစ်ဦးကပြောပါတယ်။
Public Service Announcement
ရုပ်အလောင်းတွေကိုတော့ ပြင်ဦးလွင်မြို့နယ်ထဲက နတ်ရေကန်ဘုရားနား ၊ ရွှေမြင်တင် ဘုရားအနီးနဲ့ နောင်ပိန်ကျေးရွာနဲ့ ကျောက်မဲလေးရွာကြား ချောင်းမှာတွေ့ရတာလို့ သိရပါတယ်။
ရုပ်အလောင်းတွေကို လူမှုကူညီရေးအသင်းကနေပဲ သဂြိုဟ်ပေးလိုက်တယ်လို့ သိရပါတယ်။
