'/%3E%3C/svg%3E){kind=small}
ကယားပြည်နယ် ဒီးမော့ဆိုမြို့နယ်တွင် ကရင်နီလက် နက်ကိုင်ပူးပေါင်းအဖွဲ့နှင့် အာဏာသိမ်းစစ်ကောင်စီတပ်တို့ ယနေ့တိုက်ပွဲဆက်လက်ဖြစ်ပွားရာ စစ်ကောင်စီတပ်ဖွဲ့ဝင် ၁၀ဦးသေဆုံးခဲ့ဟု ကရင်နီအမျိုးသားကာကွယ်ရေးတပ်ဖွဲ့(KNDF)က သတင်းထုတ်ပြန်သည်။
ယနေ့ (စက်တင်ဘာ၂၅) ရက်တွင် ဒီးမော့ဆိုမြို့နယ် ကုန်းသာကျေးရွာဖက်သို့ အင်အားအလုံး အရင်းဖြင့် ထိုးစစ်ဆင်လာသော အကြမ််းဖက် စစ်ကောင်စီတပ်များကို ကရင်နီပူးပေါင်းတပ်များမှ ခုခံတိုက်ခိုက်ခဲ့ရာ နံနက် ၉နာရီခန့်မှ ည ၇နာရီအထိ တိုက်ပွဲပြင်းထန် ခဲ့သည်ဟုဆိုသည်။
တိုက်ပွဲများအတွင်း အကြမ်းဖက်စစ်ကောင်စီတပ်ဘက်မှ (၁၀) ဉီးသေဆုံး ကြောင်းအတည်ပြုနိုင်ခဲ့ပြီး ထိုထက်မကသော ထိခိုက်သေဆုံးမှုရှိနိုင်ကြောင်း၊ ကရင်နီပူးပေါင်းတပ်ဖွဲ့မှ တစ်ဦးကျဆုံးခဲ့ကြောင်း ဖော်ပြထားသည်။
ဒီးမော့ဆိုမြို့နယ် ကုန်းသာကျေးရွာ၊ သေးဆူလဲကျေးရွာနှင့် ကျောက်ဆည်ကန်၊တို့တွင် နှစ်ဖက်ထိတွေ့တိုက်ပွဲများဖြစ်ပွားခဲ့ပြီး အကြမ်းဖက် စစ်ကောင်စီတပ်များ၏ ဒီးမော့ဆိုမြို့နယ် အခြေစိုက်တပ်ရင်းများမှလက်နက် ကြီးများဖြင့် အဆက်မပြတ် ရမ်းသမ်းပစ်ခတ်ခဲ့သည်ဟု KNDFက ထုတ်ပြန်သည်။
Public Service Announcement
အကြမ်းဖက်စစ်ကောင်စီတပ်များသည် ကုန်းသာ ကျေးရွာနှင့် သေးဆူလဲကျေးရွာတွင် ဝင်ရောက် တပ်စွဲလျက်ရှိပြီး ထိုကျေးရွားများအတွင်းရှိ နေအိမ်များကို မီးရှို့ဖျက်စီးခဲ့သည်ဟု ဖော်ပြထားသည်။
ဒီးမော့ဆိုမြို့နယ်အတွင်း ထိုးစစ်ဆင်လာသော အကြမ်း ဖက်စစ် ကောင်စီတပ်များကို ကရင်နီတပ်မ တော် (KA)၊ KNDF နှင့် ပြည်သူ့ကာကွယ်ရေးတပ်များမှ ခုခံတိုက် ခိုက်နေခြင်းဖြစ်သည်။
