ဗြိတိန်ရဲ့ ဒဏ်ခတ်အရေးယူမှုခံထားရတဲ့ ထူးအုပ်စုကုမ္ပဏီရဲ့ ဆက်နွှယ်တဲ့စီးပွားရေးလုပ်ငန်း ၆၀ ကို Justice for Myanmar က စာရင်းပြုစုထုတ်ပြန်လိုက်ပြီး အဲဒီစီးပွားရေးလုပ်ငန်းတွေကို ပိတ်ဆို့အရေးယူကြဖို့ တိုက်တွန်းလိုက်ပါတယ်။
ခရိုနီဦးတေဇနဲ့ သူ့ရဲ့ မိသားစုပိုင် ထူးအုပ်စု ကုမ္ပဏီကို စက်တင်ဘာ ၂ ရက်မှာ ဗြိတိန်အစိုးရက ‘စစ်တပ်ကို ငွေကြေးအထောက်အပံ့နဲ့ စစ်လက်နက်တွေ ပေးအပ်နေမှုအတွက်’ ဒဏ်ခတ်ပိတ်ဆို့ အရေးယူခဲ့ပါတယ်။
ဗြိတိန်ရဲ့အရေးယူဒဏ်ခတ်မှုကို Justice for Myanmar က ထောက်ခံပြီး ထူးအုပ်စုဝင်များ သို့မဟုတ် ဦးတေဇနဲ့ သူ့ရဲ့မိသားစုအပြင် သူတို့ရဲ့ ဒါရိုက်တာများ၊ ရှယ်ယာရျင်များနဲ့ ဆက်နွယ်နေတဲ့ လတ်တလေသိရှိသမျှ ကုမ္ပဏီများအားလုံးကို ဒီနေ့ စာရင်းပြုစုထုတ်ပြန်တာဖြစ်ပါတယ်။
ထူးအုပ်စုကုမ္ပဏီနဲ့ သူ့ရဲ့လက်အောက်ခံ၊ ဆက်စပ်ကုမ္ပဏီတွေ ၆၀ စာရင်းမှာ လေကြောင်းလိုင်း၊ ဘဏ်လုပ်ငန်း၊ သဘာ၀တူးဖော်ရေးလုပ်ငန်း၊ အာမခံလုပ်ငန်း၊ ဆောက်လုပ်ရေးနဲ့ အိမ်ခြံမြေ လုပ်ငန်း၊ ကျောက်မျက် ရတနာလုပ်ငန်း၊ စက်သုံးစီရောင်းဝယ်ရေးလုပ်ငန်း၊ နည်းပညာနဲ့ ဆက်သွယ်ရေးလုပ်ငန်း၊ ငွေပေးချေမှုလုပ်ငန်း၊ ခရီးသွားလုပ်ငန်း၊ ဘောလုံးအသင်း စသဖြင့် လုပ်ငန်းတွေ ပါဝင်ပါတယ်။
Public Service Announcement
