'/%3E%3C/svg%3E){kind=small}
Free Tiger Ranger(FTR)ဗဟန်းမြို့နယ်အဖွဲ့ခွဲမှ ရန်ကင်းမြို့နယ် အခွန်ဦးစီးမှူးရုံးအနီးဗုံးခွဲတိုက်ခိုက်ပြီးနောက် စစ်ကောင်စီအလိုကျ အခွန်ကောက်ခံနေသည့် ရန်ကုန်တိုင်းရှိကျန်အခွန်ရုံးများကို ဗုံးခွဲတိုက်ခိုက်မည်ဟု ယနေ့ သတင်းထုတ်ပြန် အသိပေးလိုက်သည်။
ရန်ကင်းမြို့နယ် စိမ်းလဲ့မြေရိပ်သာလမ်းရှိ အခွန်ဦးစီးမှူးရုံးမှ ဝန်ထမ်းများသည် အာဏာသိမ်းစစ်ကောင်စီအလိုကျအခွန်အခများကို ပြည်သူလူထုထံမှ မတရားကောက်ယူနောက်ခြင်းကြောင့် ရုံးအနီးဗုံးခွဲတိုက်ခိုက်ခြင်းဖြစ်ကြောင်း FTR ၏ထုတ်ပြန်ချက်တွင် ဖော်ပြ သည်။
ထို့ပြင် အခွန်ဦးစီးမှူးရုံးရှိ ဦးစီးမှူးအပါအဝင် အခွန်ဝန်ထမ်းများအနေဖြင့် ပြည်သူလူထုထံမှ အဓမ္မအခွန်ဆက်လက်ကောက်ခံနေမည်ဆိုပါက ၎င်းတို့နှင့် ၎င်းတို့မိသားစုဝင်များ၏ လုံခြုံရေးကို တာဝန်မယူကြောင်း FTR က သတိပေးထားသည်။
