တနင်္သာရီတိုင်း၊ ထားဝယ်မြို့မှအမျိုးသားလွှတ်တော်ကိုယ်စားလှယ်ဦးအောင်ဝင်းသည် စစ်ကောင်စီ အန္တရာယ်ကြောင့်တိမ်းရှောင်နေစဥ် ကင်ဆာရောဂါဖြင့် ယနေ့ကွယ်လွန်သွားဖြစ်ကြောင်း ၎င်း၏မိတ်ဆွေတဦးက People’s Spring သို့ပြောသည်။
” ဆေးရုံတက်နေရင်းကွယ်လွန်သွားတာပါ။ ဦးအောင်ဝင်းက အသက်ကလည်းကြီးပြီးဆိုတော့ လူငယ်တွေလို တော်လှန်ရေးမှာ ထဲထဲဝင်ဝင်တော့မပါဘူး။ ဒါပေမယ့် သူက သေဆုံးတဲ့အထိ စစ်အာဏာရှင်ဆီမှာဒူးမထောက်ခဲ့တဲ့သူပါ”ဟု ၎င်းကပြောသည်။
အသက် (၇၀) ဝန်းကျင်အရွယ်ဦးအောင်ဝင်းသည်စစ်တပ်ကနိုင်ငံတော်အာဏာသိမ်းပြီးသည့်နောက်ပိုင်း တိမ်းရှောင်နေသူဖြစ်သည်။ ခံဝန်ထိုးရန် စစ်ကောင်စီ၏ကမ်းလှမ်းမှုအား ပယ်ချပြီး အာဏာရှင်ကို ဆန့်ကျင်ခဲ့သူဟု ထားဝယ်မြို့ခံများကပြောသည်။
၎င်းသည် ၂၀၁၅ ခုနှစ် ရွေးကောက်ပွဲတွင်လည်း ထားဝယ်မြို့နယ် အမျိုးသားလွှတ်တော်မဲဆန္ဒနယ်မှ ဝင်ရောက်ယှဉ်ပြိုင်ခဲ့ပြီး အနိုင်ရခဲ့သူဖြစ်သည်။ဦးအောင်ဝင်းကွယ်လွန်သည့်အပေါ် ဝမ်းနည်းကြောင်းနှင့် စစ်အာဏာရှင်တော်လှန်ရေးအောင်မြင်သည်အထိ တိုက်ထုတ်သွားမည်ဟု တနင်္သာရီစစ်ဒေသခွဲမှ တာဝန်ရှိသူတစ်ဦးကလူမှုကွန်ရက်တွင် ရေးသားထားသည်။
Public Service Announcement
